ក្រុម Barcelona នឹងមិនឲ្យខ្សែប្រយុទ្ធ បារាំង Antoine Griezmann ចាកចេញពីអេស្ប៉ាញ មកកាន់ Premier League ឬ League1 ឡើយ ដោយ​ក្រុមកំពូលតារាង Laliga មួយនេះ នឹងទិញយកកីឡាករបារាំងរូបនេះ នារដូវ​កាល​ក្រោយ។

បើតាមការចុះផ្សាយ របស់ Euro Sports ពីប្រទេសអេស្ប៉ាញ បានឲ្យដឹងថា ក្រុម Barcelona បានត្រៀមជួបចរចារផ្ទាល់ ជាមួយ Antoine Griezmann ក្នុងពេលដ៍ខ្លីខាងមុខនេះ។ Barcelona ថ្វីបើទិញបាន Ousmane Dembele, Philippe Coutinho និង Paulinho ក្រោយលក់ Neymar ចេញក៍ដោយ តែ ក្លិបយក្សអេស្ប៉ាញមួយនេះ នៅបន្តតាមទិញ Griezmann បន្តទៀត ដើម្បីប្រមូល​កីឡាករឆ្នើមៗ មកកាន់ក្លិប មិនឲ្យចាញ់ Real Madrid ដែលត្រៀមចំណាយ​លុយ​ធំ ដើម្បីរុះរើកីឡាករនៅរដូវកាលក្រោយនោះ។

ការព្យាយាមជួបផ្ទាល់ ជាមួយ Griezmann នេះដែរ ដោយសារតែក្រុម Barcelona ខ្លាច របូតកីឡាកររូបនេះ ស្របពេលដែលក្លិបបីសាចក្រហម Manchester United នៅតែមិនទាន់​បញ្ចប់ការតាមប្រមាញ់ ខណៈក្រុមសេដ្ឋីបារាំង Paris Saint Germain ចាប់អារម្មណ៍ចង់បាន រួមទាំងក្រុមគូប្រជែងដ៍ធំ Real Madrid សុទ្ធសឹងចង់​បាន Griezmann ដូចគ្នា។

យ៉ាងណាវិញ ក្រុម Barcelona ហាក់មានសង្ឃឹមច្រើនក្នុងការនាំយកខ្សែប្រយុទ្ធវ័យ ២៧ឆ្នាំរូបនេះ ទៅកាន់ Camp Nou ក្រោយពីលេចលឺពត៌មានដែល Griezmann មិនចាកចេញពីអេស្ប៉ាញ ព្រមទាំងកីឡាករបារាំងរូបនេះ កំពុងរកទិញផ្ទះ នៅទីក្រុង Barcelona ផងដែរ។