ក្រុមមាន់ខ្នាយមាស Tottenham Hotspur ថ្វីបើមិនមានវត្តមានខ្សែប្រយុទ្ធឆ្នើម Harry Kane តែក្រុមមួយនេះនៅតែអាចវាយបកយកឈ្នះលើក្រុមជើងខ្លាំង តោខៀវ Chelsea បានវិញដដែល។

ជាក់ស្តែងណាស់ បើទោះបីជាត្រូវក្រុម Chelsea នាំមុខមុន ១គ្រាប់ក៍ដោយ តែក្រុម Tottenham អាចវាយបកបានមកវិញ ដោយស៊ុតបញ្ចូលទីផ្ទួនៗ យកឈ្នះលើក្រុម Chelsea ៣-១ ។ ខ្សែប្រយុទ្ធអេស្ប៉ាញ Alvaro Morata បានស៊ុតតាំងពីនាទីទី ៣០ ធ្វើឲ្យក្រុម Chelsea នាំមុខមុន ក៍ប៉ុន្តែ Tottenham បានវាយបកយ៉ាងខ្លាំងក្លា រហូតអាចរកគ្រាប់បាល់ បាន៣គ្រាប់មកវិញ ដោយការសុតរបស់កីឡាករ Christian Eriksen នៅនាទីទី៤៥ និងការស៊ុតរបស់កីឡាករ Dele Alli ២គ្រាប់ ស៊ុតបានសម្រេចនៅនាទីទី៦២ និង៦៦។

តាមរយៈលទ្ធផលនេះដែរ បង្ហាញឲ្យឃើញថា Chelsea ប្រឈមនឹង​ការរបូតតំណែង​ Champion League រដូវកាលក្រោយ ខណៈក្រុម Tottenham វិញ កំពុងសុវត្ថិភាព នៅក្នុងតំបន់ក្រុមកំពូលតារាងទាំង៤ នាពេលបច្ចុប្បន្ននេះ។

https://www.youtube.com/watch?v=Yz-87WdkQcU