ខ្សែប្រយុទ្ធអាហ្សង់ទីន Lionel Messi ពិតជាធ្វើបានយ៉ាងល្អ ដោយស៊ុត Hat trick ក្នុងជំនួបយកឈ្នះលើក្រុម Leganes ក្នុងលទ្ធផល ៣-១ យប់មិញនេះ ដែលជាគ្រាប់បាល់ បន្ថែមកានាំមុខលើ Cristiano Ronaldo កាន់តែច្រើនជាង​មុន។

ការយកឈ្នះ លើក្រុម Leganes ៣-១ យប់មិញនេះ បានធ្វើឲ្យក្រុម Barcelona កាន់តែកៀក ទៅរកការឈ្នះឈាន Laliga រដូវកាលនេះហើយ ដោយរង់ចាំអ៊ុត​មើលក្រុម Atletico Madrid យប់នេះ ដែលត្រូវទៅលេង ក្នុងទឹកដីរបស់ក្រុម Real Madrid នោះ។ ៣គ្រាប់របស់ Barcelona ស៊ុតបានដោយកីឡាករ​អាហ្សង់ទីន Lionel Messi ទាំង៣គ្រាប់ រកបាននៅនាទីទី២៧, ៣២ និង៨៧ ខណៈក្រុម Leganes វិញ អាចរកបានត្រឹម១គ្រាប់សងវិញ ប៉ុណ្ណោះ ដែលជាការស៊ុតរបស់កីឡាករ Nabil El Zhar នៅនាទីទី៦៨។ គិតត្រឹម ៣គ្រាប់យប់មិញនេះ Lionel Messi ស៊ុតបាន ២៩គ្រាប់ហើយ នៅ Laliga ដោយនាំមុខ ៧គ្រាប់លើ Cristiano Ronaldo ដែលស៊ុតបានត្រឹម ២២គ្រាប់​ប៉ុណ្ណោះ។

ដូច្នេះហើយ Lionel Messi មិនត្រឹមតែកំពុងជួយក្រុម Barcelona ឲ្យឈ្នះពាន Laliga រដូវកាលនេះវិញទេ ខ្សែប្រយុទ្ធអាហ្សង់ទីនរូបនេះ កំពុងតែ​ត្រៀមខ្លួនឈ្នះស្បែកជើងមាស នៅ Laliga ផងដែរ។

https://www.youtube.com/watch?v=t441gW4hHNo