Post News Media ព័ត៌មានកីឡា Liverpool ជិត...

Liverpool ជិតចុះកុងត្រា៣ឆ្នាំ ជាមួយកីឡាករ Man Utd ម្នាក់

ក្រុមហង្សក្រហម Liverpool កំពុងតែប្រមូលយកកីឡាករឆ្នើមៗ នៅ Premier League ដែលផុតកុងត្រាជាមួយក្លិបធំៗ ផ្សេងៗ ដើម្បីយកមកពង្រឹងក្លិបដូចដែល​ពួកគេធ្លាប់បានធ្វើនាពេលកន្លងមកនេះ។

បើតាមការចុះផ្សាយរបស់ Daily Star បានឲ្យដឹងថា ក្រុមហង្សក្រហម Liverpool កៀកទៅរកការចុះកុងត្រារយ:ពេល ៣ឆ្នាំជាមួយខ្សែបម្រើសក់សំពោង Marouane Fellaini ពីក្រុមបីសាចក្រហម Manchester United ហើយ​នាពេលដ៍ខ្លីខាងមុខនេះ។ ការប្រជែងចង់បាន Fellaini នេះដែរ វាពិតជាមិនងាយ​ស្រួលឡើយ សម្រាប់ Liverpool ព្រោះថា ពួកគេត្រូវប្រឈមជាមួយនឹងក្រុម​សេដ្ឋីបារាំង Paris Saint Germain និងក្រុម AS Monaco ដែលមានបំណង​ចង់បានកីឡាករប៊ែលហ្ស៊ិករូបនេះដែរ។

ក៍ប៉ុន្តែ សម្រាប់ Liverpool វិញ ហាក់មាន​ក្តីង្ឃឹមច្រើនជាងក្លិបនៅ បារាំងក្នុងការនាំយក Fellaini មកកាន់ Anfield ព្រោះថា កីឡាករសក់សំពោងរូបនេះ មិនមានបំណងចង់ចាកចេញពី Premier League ឡើយ ស្របពេលដែល Liverpool ជាក្លិបធំចង់បានទៀតនោះ ច្បាស់ណាស់ កីឡាកររូបនេះ ពិតជាមិនទៅបារាំងឡើយ។ ម្យ៉ាងវិញទៀតនោះ ការនាំយក Fellaini ទៅកាន់ Anfield នេះដែរ ប្រហែលជា​ Liverpool ចង់យកទៅជំនួសកន្លែងរបស់ Philippe Coutinho ដែលមិនទាន់មានកីឡាករ​រូបណាលេងបានល្អនៅតំបន់នេះ ក្រោយពីការចាកចេញរបស់​កីឡាករប្រេស៊ីលរូបនេះឡើយ។

ដូច្នេះហើយ ក្រុមហង្សក្រហម Liverpool បានត្រៀមចុះកុងត្រារយ:ពេល ៣ឆ្នាំ ជាមួយកីឡាករ Marouane Fellaini នារដូវក្តៅខាងមុខនេះ ក្រោយពីកុងត្រា​របស់ Fellaini ត្រូវបានបញ្ចប់ជាមួយក្រុមបីសាចក្រហម Manchester United ។