Post News Media ព័ត៌មានកីឡា ទូរទស្សន៍ក្នុ...

ទូរទស្សន៍ក្នុងស្រុកអ៊ីតាលី ប្រតិកម្មចំពោះគ្រាប់បាល់ ១១ម៉ែត្រ Real Madrid

ក្រោយពីក្រុមសេះបង្កង់ Juventus បានជ្រុះចេញពីក្របខណ្ឌ UEFA Champion League ត្រឹមវគ្គ ៨ក្រុមចុងក្រោយរួចមក បានធ្វើឲ្យមានការផ្ទះ​ប្រតិកម្មយ៉ាងខ្លាំង ពីសំណាក់ស្ថាប័នពត៌មានជាច្រើន ក៍ដូចជាមតិសារធារណជន​ផងដែរ។

ជាក់ស្តែងណាស់ បើតាមការចុះផ្សាយរបស់ Sky Sports បានឲ្យដឹងថា ទូរទស្សន៍ក្នុងស្រុក របស់ប្រទេសអ៊ីតាលី បានធ្វើការរិះគន់យ៉ាងចាស់ដៃ ទៅលើ​ការសម្រេចចិត្តរបស់លោកអាជ្ញាកណ្តាលដែលផ្តល់បាល់ ១១ម៉ែត្រឲ្យក្រុម Real Madrid នៅចុងម៉ោងទៅហើយនោះ។ ទូរទស្សន៍អ៊ីតាលី ទាំងអស់នោះ បនលើកយករូបភាព ទាំងវីដេអូ ហាយឡាយ និងរូបភាពពាក់ព័ន្ធផ្សេងៗ មកពិនិត្យ​ឡើងវិញ ដោយមើលឃើញថា នេះគឺជាការសម្រេចចិត្តខុសរបស់ អាជ្ញាកណ្តាល​ក្នុងទីលាន។

ក្នុងនោះដែរ ពួកគេទាំងអស់ បានលើកឡើងថា វាមិនសមហេតុផល​ឡើយ ដែលមានបាល់ ១១ម៉ែត្រកើតឡើង វាមិនមែនជាកំហុសរបស់ Benatia ឡើយ ព្រោះថាខ្សែការពាររូបនេះ បានយកជើងប៉ះបាល់បានមុន ហើយការសង្កត់​ពីក្រោយនោះ មិនមែនជាចេទនាឡើយ វាជាការកើតឡើងដោយអចេទនាប៉ុណ្ណោះ។

ស្ថាប័នទូរស្សន៍ទាំងអស់នោះ បានចោទប្រកាន់ថា អាជ្ញាកណ្តាលបានធ្វើស៊ី Juventus ខណ:ពួកគេនៅតែមិនពេញចិត្តចំពោះការកាត់សេចក្តីនេះឡើយ។