ក្រុមបីសាចក្រហម ក្រោយពីរបូតពាន FA Cup កាលពីឆ្នាំមុនរួចមក នៅឆ្នាំនេះវិញ ក្រុមដែលមានមូលដ្ឋាន នៅទីក្រុង Manchester មួយនេះ នឹងមិនឲ្យរបូតពាននេះទៀតឡើយ។

ជាក់ស្តែងណាស់ បីសាចក្រហម Manchester United បានវាយបកយកឈ្នះ​លើក្រុមមាន់ខ្នាយមាស Tottenham Hotspur ក្នុងលទ្ធផល ២-១ ដើម្បីកក់កៅ​អី ទៅកាន់វគ្គផ្តាច់ព្រ័ត្រ FA Cup ។ Tottenham បានរកគ្រាប់បាល់នាំមុខមួយ​គ្រាប់មុន តាមរយ:ការស៊ុតរបស់កីឡាករ Dele Alli នៅនាទីទី១១ ដែលធ្វើឲ្យ​អ្នកគាំ​ទ្រជាច្រើនរបស់ក្រុមមួយនេះ ស្រែកហ៊ោរពេញទីលានយ៉ាងកងរំពង។ ក៍ប៉ុន្តែ ក្រុមបីសាចក្រហម Manchester United បានតាមស្មើមកវិញ មិនឲ្យ Spurs អរបានយូរឡើយ ពោលនៅនាទីទី ២៤ ខ្សែប្រយុទ្ធឈីលី Alexis Sanchez ស៊ុតតាមស្មើមកវិញ។ ១-១ នេះមិនទាន់ជាលទ្ធផល បញ្ចប់ការប្រកួត​ឡើយ ដោយនៅនាទីទី៦២ ខ្សែបម្រើអេស្ប៉ាញ Ander Herrera បានស៊ុត១គ្រាប់​ទៀត ធ្វើឲ្យក្រុមបីសាចក្រហម Manchester United ឈ្នះ ២-១ លើក្រុម Spurs បន្តដំណើរទៅកាន់វគ្គផ្តាច់ព្រ័ត្រ FA Cup បន្តទៀត។

យ៉ាងណាវិញ Man Utd នៅមិនទាន់សង្ឃឹមឈ្នះ FA Cup ស្រួលឡើយ​ដោយរង់ចាំអ៊ុតមើល ការប្រកួតមួយគូទៀត រវាងក្រុមតោខៀវ Chelsea និង Southampton នាយប់នេះ ដើម្បីបានដឹងថា ក្រុមណាដែលកក់កៅអី ទៅលេងផ្តាច់ព្រ័ត្រ FA Cup នៅថ្ងៃទី ១៩ ឧសភា ខាងមុខនេះ ជាមួយ Man Utd ។ ប្រសិនបើ Chelsea ឈ្នះយប់នេះ នោះ ការប្រកួតផ្តាច់ព្រ័ត្រ FA Cup ច្បាស់ជាល្អមើលជាក់ជាមិនខាន​ឡើយ។

//www.youtube.com/watch?v=hE3E5mEoWjY