ក្រុមបានទាល់ Pahang FA ដែលកីឡាករ ចាន់ វឌ្ឍនាកា កំពុងប្រកបអាជីពជាមួយ បានយកឈ្នះលើក្រុម Johor Darul Ta’zim ដោយលទ្ធផល ៣ទល់០ កាលពីថ្ងៃសុក្រ ក្នុងពានរង្វាន់ FA Cup របស់ប្រទេសម៉ាឡេសុី ជើងទី២ ។
គ្រាប់បាល់ជ័យជម្នះនេះធ្វើបានសម្រេចដោយកីឡាករ Patrick Cruz តែម្នាក់ឯងគត់ នៅនាទី ១០, ៥៩ នឹង ៧៧ ស្របពេលដែលកីឡាករកម្ពុជា វឌ្ឍនាកា បានបង្ហាញខ្លួនពេញ ៩០ នាទី ។ កាលពីជើងទី១ ក្រុមទាំងពីរបានត្រឹមស្មើគ្នា ០ទល់០ ប៉ុណ្ណោះ ដូច្នេះលទ្ធផលជ័យជម្នះនាជើងទី២ នេះ ធ្វើឲ្យ Pahang FA ឡើងទៅវគ្គពាក់កណ្តាលផ្តាច់ព្រ័ត្រ ។
ក្រៅអំពីការប្រកួតពានរង្វាន់ខាងលើ ក្រុម Pahang នឹងមានភារកិច្ចត្រូវទទួលស្វាគមន៍ក្រុម Melaka United វិញម្ដង ក្នុងជំនួបក្របខ័ណ្ឌកំពូលម៉ាឡេស៊ី នាថ្ងៃទី២៨ ខែមេសា ឆ្នាំ២០១៨ ខាងមុខនេះ៕
//www.youtube.com/watch?v=zKrm9XwUFYY
មតិយោបល់