ក្រុមបាល់ទាត់ជម្រើសជាតិប្រេស៊ីល បានធ្វើឲ្យពិភពលោក មានការភ្ញាក់ផ្អើលយ៉ាង​ខ្លាំង ក្រោយពីសហព័ន្ធបាល់ទាត់របស់ប្រទសមួយនេះ សម្រេចចិត្តឲ្យកីឡាករជិះ​ឧត្ថម្ភភាគចក្រទៅកាន់ទីលានហ្វឹកហាត់។

ជាក់ស្តែងណាស់ បើតាមការចុះផ្សាយរបស់ ESPN reports បានឲ្យដឹងថា ក្រុមជម្រើសជាតិប្រេស៊ីល បានប្រើប្រាស់ទីលានហ្វឹកហាត់ខុសប្លែកពីប្រទេស​ផ្សេងៗទាំងអស់ ដោយយកកំពូលភ្នំធ្វើជាកន្លែងហ្វឹកហាត់របស់ពួកគេ។ ទីលានហ្វឹកហាត់នេះដែរ​ មានចំងាយប្រមាណជា ៨០០គីឡូម៉ែត្រពីទីប្រជុំជនរបស់​ទីក្រុង Rio de Jeneiro ខណៈផ្លូវធ្វើដំណើរវិញតូចចង្អៀត ពិបាកក្នុងការធ្វើ​ដំណើរ​ទៅកាន់ទីនោះយ៉ាងខ្លាំង។

យ៉ាងណាវិញ សហព័ន្ធបាល់ទាត់របស់ប្រេស៊ីល ដោយមានការសហការពី រដ្ឋាភិបាលផងនោះ បានសម្រេចចិត្តសម្រួលដល់​កីឡាករទាំងអស់ តាមរយៈការផ្តល់មធ្យោបាយធ្វើដំណើរតាមផ្លូវអាកាស ពោលគឺការប្រើប្រាស់ឧត្ថម្ភភាគចក្រ សម្រួលដល់ការធ្វើដំណើរនេះ។ គួរបញ្ជាក់​ផងដែរថា ការហ្វឹកហាត់នៅលើភ្នំនេះដែរ គឺជាការលុតដំដល់កីឡាករទាំងអស់ ឲ្យបន្ស៊ាំជាមួយអាកាសធាតុត្រជាក់ និងមានសម្ពាធខ្ពស់ ព្រោះថានៅរុស្ស៊ី អាកាសធាតុត្រជាក់ខ្លាំង។

ដូច្នេះហើយ ដើម្បីទទួលបានជោគជ័យក្នងព្រឹត្តិការណ៍ World Cup ឆ្នាំនេះ ក្រុមជម្រើសជាតិប្រេស៊ីល បានជ្រើសរើសយកការហ្វឹកហាត់នៅលើភ្នំ ដើម្បីធ្វើឲ្យ​កីឡាករទាំងអស់ មិនពិបាកក្នុងការប្រកួត World Cup នៅរុស្ស៊ី។