Post News Media ព័ត៌មានកីឡា អាស៊ីអាគ្នេយ៍...

អាស៊ីអាគ្នេយ៍ជាតំបន់មិនសូវរីកចម្រើនផ្នែកបាល់ទាត់ តែមានប្រទេសមួយធ្លាប់​បានឡើងទៅលេង World Cup

ព្រឹត្តិការណ៍ World Cup គឺជាព្រឹត្តិការណ៍លំដាប់ពិភពលោកមួយ​ ដែលមានប្រទេសសុទ្ធសឹង ជើងខ្លាំងមកពីគ្រប់ទ្វីបចូលរួមក្នុងព្រឹត្តិការណ៍មួយ​នេះ ដើម្បីដណ្តើមយកពានរង្វាន់មួយនេះ។

យ៉ាងណាវិញ បើយើងក្រឡកមើលប្រទេសនៅតំបន់អាស៊ីអាគ្នេយ៍យើងនេះ មានប្រទេសមួយ ដែលធ្លាប់មានប្រវត្តិឡើងទៅលេងក្នុងព្រឹត្តិការណ៍ លំដាប់ពិភព​លោកមួយនេះ។ ប្រទេសដែលធ្លាប់ឡើងទៅកាន់ World Cup នោះគឺប្រទេសឥណ្ឌូនេស៊ី កាលពីឆ្នាំ ១៩៣៨ ដែលកាលណោះ ប្រទេសនេះ មានឈ្មោះថា Dutch East Indies ពោលគឺប្រទេសនេះ កំពុងស្ថិតក្រោមអាណា​និគមរបស់ហូរឡង់។

នៅជំនាន់នោះ តំបន់អាស៊ី មានតែ១កៅអីប៉ុណ្ណោះ សម្រាប់ឡើង​ទៅលេង World Cup ដែលខុសពីបច្ចុប្បន្ននេះ មាន ៤កៅអីកន្លះ ខណ:ពេលនោះ ក្រុមខ្លាំងៗ នៅអាស៊ី បានបដិសេធមិនចូលរួមដោយសារសង្រ្គាម រាងចិន និងជប៉ុន និងស្ថានការណ៍ពិភពលោកកំពុងតានតឹង ដែលឈានទៅរកការ​ផ្ទុះសង្រ្គាមលោកលើកទី២។ ឥណ្ឌូនេស៊ី បានជម្រុះជាប់ក្នុងនាមជាក្រុមអាស៊ីឡើង​ទៅលេង World Cup ដោយមានត្រឹម ១៦ក្រុមប៉ុណ្ណោះ ដោយប្រើរូបមន្ត ចាញ់ធ្លាក់ មិនមែនសន្សំពិន្ទុ ដូចពេលបច្ចុប្បន្ននេះឡើយ។ ក៍ប៉ុន្តែ ឥណ្ឌូនេស៊ី ត្រូវបានជ្រុះចេញមកវិញ ក្រោយប្រកួតចាញ់ក្រុមហុងគ្រី ៦-០ នៅក្នុងការប្រកួតដំ​បូង ដោយមិនបានឡើងទៅកាន់វគ្គបន្តទៀតឡើយ។

នេះជាក្រុមទាំង ១៦ដែលបានឡើងទៅលេង World Cup កាលពីឆ្នាំ ១៩៣៨៖
អូទ្រីស, ប៊ែលហ្ស៊ិក, ប្រេស៊ីល, គុយបា, ឆេកូស្លូវ៉ាគី, បារាំង ( ម្ចាស់ផ្ទះ ) អាឡឺម៉ង់, ហុងគ្រី, អ៊ីតាលី, ហូរឡង់, ន័រវេស, ប៉ូឡូញ, រ៉ូម៉ានី, ស៊ុយអ៊ែត, ស្វ៊ីស និង Dutch East Indies ( ឥណ្ឌូនេស៊ី )។

Loading...