Post News Media ព័ត៌មានកីឡា Ronaldo៖ អ៊ុយ...

Ronaldo៖ អ៊ុយរ៉ាហ្គាយ មិនមែនអេស្ប៉ាញឡើយ

ក្រៅពីក្រុមជើងខ្លាំងតំបន់អឺរ៉ុបបារាំង ទទួលក្រុមជើងខ្លាំងអាមេរិកឡាទីន អាហ្សង់ទីន នាវគ្គ ១៦ក្រុមចុងក្រោយ ក្រុមជើងឯក Euro​ ២០១៦ ពរទុយហ្គាល់ ត្រូវជួបក្រុមជើងខ្លាំងអាមេរិកឡាទីនអ៊ុយរ៉ាហ្គាយយប់នេះដែរ។

ពរទុយហ្គាល់ ត្រូវប្រឈមមុខជាមួយក្រុមខ្លាំង អ៊ុយរ៉ាហ្គាយ នាវេលាម៉ោង ១រំលង​អាធ្រាត្រយប់នេះ ដើម្បីស្វែងរកក្រុមណាមួយ ដែលត្រូវបន្តឡើងទៅកាន់វគ្គ ៨ក្រុម​ចុងក្រោយបន្តទៀត។ ក្នុងនោះដែរ ប្រធានក្រុមពរទុយហ្គាល់ Cristiano Ronaldo បាននិយាយមុនការប្រកួតថា៖ ថ្វីដ្បិត អ៊ុយរ៉ាហ្គាយ ជាក្រុមខ្លាំងមែន តែពួកគេនៅមានកម្រិតមិនទាន់ដល់អេស្ប៉ាញឡើយ។ ការនិយាយបែបនេះ Ronaldo ចង់មានន័យថា ពរទុយហ្គាល់ មិនរអាអ៊ុយរ៉ាហ្គាយឡើយ ក្រុមជើងឯក Euro មួយនេះ បានត្រៀមលក្ខណ:ទទួលអ៊ុយរ៉ាហ្គាយរួចហើយ។

ជាការពិតណាស់ ពរទុយហ្គាល់ធ្លាប់លេងស្មើ ជាមួយអេស្ប៉ាញ នាវគ្គចែកពូលកន្លងមក ដែលនេះបង្ហាញឲ្យឃើញថា ជំនួបជាមួយអ៊ុយរ៉ាហ្គាយ មិនមែនជារឿងលំបាកសម្រាប់ពរទុយហ្គាល់ឡើយ។ ម្យ៉ាងវិញទៀតនោះ ពរទុយហ្គាល ធ្លាបមានប្រវត្តិល្អ ពេលជួបក្រុមមកពីតំបន់អាមេរិកឡាទីន ដូជាអាហ្សង់ទីន និងប្រេស៊ីលជាដើម ដែលនេះ គឺជាកត្តាមួយ ដែលពរទុយហ្គាល់​រំពឹងឈ្នះច្រើនពីការប្រកួតនេះ។

ដូច្នេះហើយ កំពូលខ្សែប្រយុទ្ធ Cristiano Ronaldo ជឿជាក់ថា ពរទុយហ្គាល់​ច្បាស់ជា្លងផុតវគ្គ ១៦ក្រុមចុងក្រោយនេះ ដោយយោងទៅលើសមត្ថភាពរបស់​អ៊ុយរ៉ាហ្គាយ មិនខ្លាំងជាងអេស្ប៉ាញឡើយ។

Loading...