Post News Media ព័ត៌មានកីឡា Real Madrid ប...

Real Madrid បដិសេធមិនទិញយក Fabregas ពី Chelsea ទេ

ក្លឹប Real Madrid បានចេញមកបដិសេធមិនព្រមទិញយកខ្សែបម្រើ Cesc Fabregas ពីក្លឹប Chelsea ឡើយ បើទោះបីជាកីឡាកររូបនេះមានសមត្ថភាព ហើយអាចមានតម្លៃខ្លួនទាបក៏ដោយ។

Fabregas ត្រូវបានក្លឹប Chelsea ប្រកាសលក់ចេញ បន្ទាប់ពីរូបគេបង្ហាញទម្រង់លេងក្រោមការដឹកនាំរបស់លោក Conte មិនទាន់ល្អដល់កម្រិត ខណ:ដែលមានកីឡាករថ្មីៗចូលរួមក្រុមជាច្រើន។ ការប្រកាសលក់នេះ ធ្លាប់មានដំណឹងថាក្លឹប Real Madrid មានចំណាប់អារម្មណ៍ដើម្បីទិញទៅជំនួសកន្លែងកីឡាករផ្សេង។

Cesc Fabregas3

យ៉ាងណាមិញ មុនបិទទីផ្សារដោះដូរកីឡាករថ្ងៃទី៣១នេះ លោក Zidane បាននិយាយក្រុមរបស់លោកមិនទិញកីឡាករថ្មីបន្ថែមនោះទេ ខណ:ដែលសមាជិកក្នុងក្រុមទាំងអស់គឺមានសមត្ថភាពគ្រប់គ្រាន់ និងអាចលេងប្រជែងយកពានរង្វាន់បានហើយ។

ខ្សែបម្រើវ័យ២៩ឆ្នាំខាងលើនេះ ចូលលេងឱ្យ Chelsea តាំងពីឆ្នាំ២០១៤កន្លងទៅ អំឡុងពេលលោក Jose Mourinho នៅដឹកនាំ ហើយថែមទាំងជាកីឡាករនាំលេងល្អម្នាក់ផងដែរ។ Fabregas ចូលលេងឱ្យជម្រើសជាតិអេស្ប៉ាញតាំងពីឆ្នាំ២០០៦ បង្ហាញខ្លួនបាន១០៥ប្រកួត រកបាន១៥គ្រាប់៕

Cesc Fabregas2