Friday, ទី25 October, ឆ្នាំ2013 10:10 am
អ្នកប្រើប្រាស់ពេលវេលាជាច្រើនដើម្បីពិភាក្សាគ្នាជាមួយនឹងគូអនាគត់ក្នុងការរៀបចំកម្មវិធីអាពាហ៍អាពាហ៍ដែលក្នុងមួយជីវិតមានតែម្តងរបស់អ្នក។មនុស្សភាគច្រើនមិនទាន់យល់ថាការក្រេបទឹកឃ្មុំនិងការជ្រើសរើសទីកន្លែងជារឿងសំខាន់ដែលគួរតែធ្វើនោះទេ។ទីកន្លែងនិងពេលវេលាអាចជាកត្តាជម្រុញឲ្យអនុស្សាវរីយនៃការក្រេបទឹកឃ្មុំរបស់គូស្នេហ៍ថ្មីថ្មោងមានភាពមិនអាចបំភ្លេចបានពេញមួយជីវិត។មានរបស់របរនិងកត្តាតូចៗជាច្រើនទៀតដែលគូស្នេហ៍គួរតែរៀបចំសម្រាប់ឧិកាសក្រេបទឹកឃ្មុំដ៏អស្ចារ្យជាពិសេសការជ្រើសរើសទីកន្លែងហើយវាគួរតែជាកន្លែងដែលមានភាពរ៉ូមែនទិកដែលវានឹងអាចធ្វើឲ្យចំណងស្នេហ៍របស់គូស្នេហ៍ថ្មីថ្មោងមានភាពស្ថិតស្ថេរនិងផ្អែមល្ហែមជារៀងរហូត។
លើលោកនេះមានកន្លែងមួយប៉ុណ្ណោះដែលត្រូវបានគេចាត់ទុកថាជាឋានសួគ៍នៃមនុស្សឋានកណ្តាលនិងជាពិសេសជាកន្លែងដែលគូស្នេហ៍ដែលត្រូវក្រេបទឹកឃ្មុំគួរតែទៅ។ទីនោះគឺប្រជុំកោះ Maldives ដែលកោះតូចៗមួយចំនួនបានប្រែក្លាយជារមណីយដ្ឋានធម្មជាតិដ៏ស្រស់ស្អាតបំផុត។ព័ទ្ធជុំវិញទៅដោយព្រៃខៀវស្រងាត់ដើមដូងដុះពាសពេញស្ទើរតែផ្ទៃកោះទាំងអស់ បឹងហ្គាឡូដែលព័ទ្ធជុំវិញទៅដោយទឹកសមុទ្រយ៉ាងថ្លាខ្យងដូចដុំគ្រីស្ទាល់ដែលវាជាថ្នាំដ៏សាកសិទ្ធក្នុងការព្យាបាលជម្ងឺស្ត្រេសដ៏រាំរ៉ៃរបស់មនុស្សលើលោក។
សម្រាប់ពេលវេលាដ៏មានន័យបំផុតសម្រាប់គូស្នេហ៍ដែលបានទៅដល់និងស្នាក់នៅលើរមណីយដ្ឋានណាមួយដែលនៅក្នុងប្រជុំកោះនេះហ៊ានធានាថាពិតជាអស្ចារ្យទាំងស្នាដៃច្នៃប្រឌិតម្ហូបនិងការរៀបចំរចនាតែងលម្អពីអ្នកជំនាញ។ការញុំាស្រាក្រឡុកដ៏ឆ្ងាញ់ឬស្រាក្រហមដ៏មានរសជាតិនៅក្រោមពន្លឺទៀននៅនឹងតុដែលដាក់ក្បែរឆ្នេរសមុទ្រពិតជាបានដាស់អារម្មណ៍គូស្នេហ៍មួយគូនេះឲ្យពុះកញ្ជ្រោលទ្វេរឡើង៕
https://i1272.photobucket.com/albums/y389/domneng/Ailya/Madive1_zpsfa6ba476.jpg
https://i1272.photobucket.com/albums/y389/domneng/Ailya/Madive4_zps71cc8291.jpg
https://i1272.photobucket.com/albums/y389/domneng/Ailya/Madive3_zpse3efdc4e.jpg
