អេក្រង់ LG UltraFine 5K ឥឡូវនេះមានដាក់លក់នៅលើគេហទំព័រ Apple.com ហើយ។ ការកម្មង់ទិញដំបូងបង្អស់អាចនឹងដឹកជញ្ជូនឲ្យចាប់ពីថ្ងៃទី ២៧ ឬ ២៨ ខែធ្នូ។ សម្រាប់រយៈពេលនៃការដឹកជញ្ជូនទៅដល់ដៃអតិថិជន គឺត្រូវបានគេរំពឹងទុកមុនថា នឹងត្រូវចំណាយពេលយ៉ាងលឿន ពី ២ ទៅ ៤ សប្តាហ៌។

ក្រុមហ៊ុន Apple បានសហការជាមួយនិងក្រុមហ៊ុន LG បង្កើតបានសមិទ្ធផលថ្មី គឺអេក្រង់ LG UltraFine 4K ទំហំ ២១,៥ អ៊ីញ និង LG UltraFine 5K ទំហំ​ ២៧ អ៊ីញ។ សម្រាប់អេក្រង់ UltraFine 4K បច្ចុប្បន្នដាក់លក់ក្នុងតម្លៃ ៥២៤ ដុល្លារ រីឯអេក្រង់ UltraFine 5K មានតម្លៃ ៩៧៤ ដុល្លារ៕

ប្រភព:Apple.com