លោក Donald Trump នឹងត្រូវស្បថឡើងកាន់តំណែងជាប្រធានាធិបតីនៃសហរដ្ឋអាមេរិកនៅថ្ងៃទី 20 ខែមករា នាទីក្រុងវ៉ាស៊ីនតោនឌីស៊ី ជាមួយការដាក់ចេញនូវបម្រាមលើវត្ថុជាច្រើន ហើយក្នុងនោះ ក៏រួមមានទាំងដងថតរូបស៊ែលហ្វីផងដែរ។

ក្រុមការងារផ្ទេរអំណាចរបស់លោក បានរៀបចំនូវបញ្ជីរាយវត្ថុហាមប្រាមមួយខ្សែ ដែលមិនអនុញ្ញាតឱ្យមហាជនយកចូលទៅក្នុងពិធី ហើយក្នុងនោះមានដូចជា យន្តហោះដ្រូន ដងថតរូបស៊ែលហ្វី ឬកាំភ្លើង ជាដើម។ល។ ដែលការធ្វើដូចនេះ ត្រូវបានគេរិះគន់ថា វាហាក់បីដូចជាសម័យឆ្នាំ 1984 អីចឹង ខណៈលោក Trump គឺជាប្រធានាធិបតីជាប់ឆ្នោតមកពីគណបក្សសេរីភាព។ ក្រៅពីនេះ ប៉េកប៉ោង បង្វិច ឬសម្ពាយ កង់ ប្រអប់ដែក ពិលឡាស៊ែរ ក៏ត្រូវបានហាមឃាត់ផងដែរ៕

ប្រភពព័ត៌មាន៖ gizmodo