ក្រុមហ៊ុន Samsung SDI នឹងត្រូវផ្គត់ផ្គង់ថាមពលថ្មសម្រាប់ទូរស័ព្ទដៃ Galaxy S8 ហើយរបាយការណ៍ថ្មីមួយចង្អុលបង្ហាញថាទូរស័ព្ទ​ Galaxy S8 និង​ S8 Plus នឹងមានថាមពលថ្មធំជាងទូរស័ព្ទ​ S7 ទៅទៀត។ ដោយ​ Galaxy S8 នឹងមានថាមពលថ្ម 3,250mAh ហើយ​ S8 Plus នឹងមាន 3,750mAh នេះបើយោងតាមរបាយការណ៍ដដែល។ រីឯ Galaxy S7 មានថាមពលថ្មត្រឹម 3,000mAh និង​ S7 Edge ត្រឹម 3,600mAh ប៉ុណ្ណោះ។

ថាមពលពលថ្មប៉ុននេះនឹងអាចបំពេញតាមតម្រូវការទូរស័ព្ទដៃ Galaxy S8 ដែលមានអេក្រង់ ៥.៨ អ៊ីញ និង S8 Plus អេក្រង់ ៦.២ អ៊ីញ ដោយសារ Galaxy S8 និង S8 Plus ត្រៀមបង្ហាញខ្លួននេះនឹងបំពាក់ដោយអង្គប្រតិបត្តិ Snapdragon 835 និងត្រូវបានរាយការណ៍មកទៀតថាថាមពលថ្មរបស់ពួកវានឹងមានប្រសិទ្ធភាពខ្ពស់ជាង S7 ដែលបានបំពាក់ដោយអង្គប្រតិបត្តិ Snapdragon 820 សេរ៊ីមុន។

ប្រភពមិនទាន់ច្បាស់ការមួយនេះបានធ្វើការរំពឹងទុកជាមុនថា Galaxy S8 និង S8 Plus នឹងចេញមកដាក់លក់នៅក្នុងថ្ងៃទី ២១ ខែមេសា ខាងមុខនេះជាមួយនឹងតម្លៃខ្ទង់ ៨៦០ ដុល្លារ សម្រាប់ S8 និង​ ៩៧០ ដុល្លារ សម្រាប់ S8 Plus៕

ប្រភពព័ត៌មាន៖​ sammobile.com