Post News Media ព័ត៌មានបច្ចេកវិទ្យា ក្រុមហ៊ុន App...

ក្រុមហ៊ុន Apple ចង់ឱ្យបុគ្គលិកបន្ទោបង់ក្នុង iPhone យក្សនៅទីស្នាក់ការថ្មីតម្លៃ ៥$ ពាន់លានរបស់ខ្លួន

នៅពេលក្រុមហ៊ុន Apple បើកដំណើរការទីស្នាក់ការថ្មីនៅទីក្រុង Cupertina រដ្ឋកាលីហ្វរនីយ៉ា ដែលគ្រោងនឹងបញ្ចប់ការសាងសងក្នុងខែមិនាឆ្នាំ ២០១៧ នេះ បុគ្គលិកក្រុមហ៊ុន នឹងបានអង្គុយបន្ទោបង់លើចានបង្គន់ iPhone យក្ស របស់ក្រុមហ៊ុន យ៉ាងរីករាយ។ នេះបើយោងតាមរបាយការណ៍ពីគេហទំព័រ Reuters ចេញផ្សាយនៅថ្ងៃអង្គារ៍ម្សិលមិញ។

សំណង់អគារដែលគ្រោងចំណាយទឹកប្រាក់ ៥ ពាន់លានដុល្លារនេះ មិនត្រឹមតែប្រើប្រាស់រចនាបថកងរង្វង់ យកលំនាំតាមប៊ូតុង Home របស់ iPhone នៅផ្នែកខាងក្រៅប៉ុណ្ណោះទេ ប៉ុន្តែ សូម្បីតែជណ្តើងយន្ត និង​ចានបង្គន់ក្នុងអគារ ពោលគឺ វាមានបំពាក់ប៊ូតុងចុច Home ដូចជាទូរសព្ទដៃ iPhone អីចឹងដែរ។

ក្រុមហ៊ុន Apple តែងមានទម្លាប់បិទបាំងព័ត៌មានមិនឱ្យសាធារណជនបានដឹង មុនការប្រកាសជាផ្លូវការ។ សម្រាប់ផ្ទៃខាងក្នុងអគារទីស្នាក់ការដ៏ធំសម្បើម សាងសងលើផ្ទៃដី ២.៨ លានម៉ែត្រការ៉េ និងមានសន្ថានដូចជាស្ថានីយ៍អវកាសនេះ ក៏ត្រូវបានក្រុមហ៊ុនមិនផ្តល់ជូនអ្នកសារព័ត៌មាននោះដែរ ជាក់ស្តែង ក្រុមហ៊ុនបានបដិសេធសំណើរសុំរបស់គេហទំព័រ Mashable នូវគំរូប្លង់ផ្ទៃខាងក្នុងរបស់អគារនោះ។ ទោះយ៉ាងណា ចានបង្គន់រចនាបថ iPhone គឺជាព័ត៌មានគួរជាទីជឿទុកចិត្តមួយ៕

 

ប្រភពព័ត៌មាន: mashable, reuters