Post News Media ព័ត៌មានបច្ចេកវិទ្យា កំណែថ្មីកម្មវ...

កំណែថ្មីកម្មវិធី YouTube បន្ថែមប៊ូតុងលាក់ខ្លួន ២ គ្រាប់អាចសាវីដេអូបានស្រួលជាងមុន

បើទោះបីជា លោកអ្នកអាចសាវីដេអូនៅលើកម្មវិធី ​YouTube ចុះឡើងបានក៏ដោយ ក៏លោកអ្នកនៅតែមានអារម្មណ៏ថា រាល់ការសារដោយចាប់ទាញត្រង់ចំណុចកំពុងចាក់ វាអាចខុស ឬមិនចំត្រង់ចំណុចដែលយើងចង់បានដោយងាយស្រួលនោះឡើយ។

ដោយឡែក កំណែថ្មីរបស់កម្មវិធី YouTube បានដាក់បន្ថែមប៊ូតុងបំបាំងខ្លួនចំនួន ២​ គ្រាប់។ ទីមួយគឺស្ថិតនៅផ្នែកខាងឆ្វេងផ្ទៃវីដេអូ ទីពីរស្ថិតនៅផ្នែកខាងស្តាំ។

ដើម្បីចុចប៊ូតុងដែលលាក់ខ្លួននោះបាន ប្រិយមិត្តត្រូវចុចពីរដងផ្ទួនគ្នាត្រង់ផ្ទៃខាងឆ្វេង ឬខាងស្តាំនៃការបង្ហាញវីដេអូ
ហើយការចុចពីរដងនេះ ត្រង់ខាងឆ្វេង បញ្ជាក់ថាសាវីដេអូថយក្រោយ ឬខាងស្តាំបញ្ជាក់ថាសាវីដេអូទៅមុខ (បញ្ជាក់បន្ថែម៖ ការចុចសារម្តង អាចរំកិលចំណុចចាក់វីដេអូបាន ១០ វិនាទី) ។

ប្រិយមិត្តត្រូវតែធ្វើការអាប់ដេតកម្មវិធី YouTube ទៅកាន់ជំនាន់ចុងក្រោយ ដើម្បីទទួលបានកំណែថ្មីមួយនេះ៕