Post News Media ព័ត៌មានបច្ចេកវិទ្យា ទំព័រ Faceboo...

ទំព័រ Facebook ផ្លូវការអាជ្ញាធរជាតិអប្សរា អាចបើកដំណើរការបានវិញហើយ! បន្ទាប់ពីត្រូវគេ Hack មួយរយ:

បន្ទាប់ពីត្រូវបានក្រុមអនាមិកលួច (Hack) ចូលទៅគ្រប់គ្រងអស់មួយរយ: ឥឡូវនេះ ទំព័រ Facebook ផ្លូវការរបស់អាជ្ញាធរជាតិអប្សរា អាចបើកឱ្យដំណើរការបានតាមធម្មតាវិញហើយ។ នេះបើយោងតាមសេចក្តីប្រកាសរបស់អាជ្ញាធរបង្ហោះផ្សាយនៅលើទំព័រ Facebook របស់ខ្លួន។

នៅក្នុងសេចក្តីប្រកាសរបស់អាជ្ញាធរជាតិអប្សរាដែលធ្វើឡើងនៅថ្ងៃទី ២៨ កុម្ភ: ឆ្នាំ ២០១៧ បានឱ្យដឹងថា ចាប់ពីពេលនេះតទៅ ទំព័រ Facebook ផ្លូវការរបស់អាជ្ញាធរជាតិអប្សរា ដែលមានអាសយដ្ឋាន www.facebook.com/apsaraautorite អាចអនុញ្ញាតឱ្យសាធារណជនចូលទៅតាមដានព័ត៌មានដូចជា អត្ថបទ រូបភាព និងវីដេអូផ្លូវការផ្សេងៗ បានដូចធម្មតាវិញហើយ បន្ទាប់ពីឆ្លងកាត់ការខិតខំប្រឹងប្រែងសង្គ្រោះមកវិញរបស់ក្រុមអ្នកបច្ចេកទេស។

គួរបញ្ជាក់ថា កាលពីថ្ងៃទី ១៨ កុម្ភ: កន្លងទៅនេះ មានជនអនាមិកមួយក្រុមបានលួចចូលទៅគ្រប់គ្រងទំព័រ Facebook ផ្លូវការ និងគណនីពាក់ព័ន្ធមួយចំនួនរបស់អាជ្ញាធរជាតិអប្សរា បណ្តាលឱ្យការផ្សព្វផ្សាយសកម្មភាពផ្សេងៗរបស់អាជ្ញាធរ នៅលើទំព័រ Facebook ផ្លូវការនេះ មានការអាក់ខានអស់មួយរយ:៕