លោក Evan Willams សហស្ថាបនិកទំព័រ Twitter បានថ្លែងសារសុំទោសចំពោះការ​ដែលបណ្តាញសង្គមប្លុកដ៏ពេញនិយមរបស់ខ្លួន បានជួយឱ្យលោក Donald Trump ជាប់ឆ្នោតក្លាយជាប្រធានាធិបតីអាមេរិកជំនាន់ទី ៤៥។

ការថ្លែងបែបនេះរបស់លោក គឺធ្វើឡើងនៅក្នុងកិច្ចសម្ភាស៍មួយជាមួយ The New York Times ដោយបន្ថែមថា ការជួយឱ្យប្រជាប្រិយភាពរបស់មហាសេដ្ឋីអចលនាទ្រព្យកើនឡើងក្នុងអំឡុងពេលឃោសនាបោះឆ្នោត គឺជារឿងដ៏អាក្រក់មួយ ដែលលោកមានការសោកស្តាយជាខ្លាំង។

នៅក្នុងខែមីនា លោក Trump បានថ្លែងប្រាប់ Fox News ថា «បើគ្មាន Twitter ទេនោះ លោកក៏មិនបានអង្គុយធ្វើការនៅក្នុងសេតវិមានដែរ»។ លោកបន្ថែមថា Twitter បានជួយឱ្យលោកអាចតតាំងនឹងសារព័ត៌មានបោកប្រាស់ និងពិសពុល។

ឆ្លើយតបទៅនឹងការអះអាងនេះ លោក Willans បាននិយាយថា វាគឺជាការពិត ប្រសិនបើគ្មាន Twitter ទេនោះ លោក Trump ក៏គ្មានថ្ងៃនេះដែរ៕

ប្រភពព័ត៌មាន: cnet