ក្រុមហ៊ុន Microsoft នៅថ្ងៃអង្គារមិ្សលមិញ បានបញ្ចេញកុំព្យូទ័របន្ទះស្តើងកូនកាត់ Surface Pro មួយម៉ូឌែលថ្មី តាមរយៈវីដេអូបទបង្ហាញមួយ។

New Surface Pro ត្រូវបានរចនាឡើងកាន់តែប្រណិត កាន់តែស្តើង និងកាន់​តែ​ស្រាល ហើយអាចប្រើជាមួយប៊ិកវៃឆ្លាត បន្ទះក្តារចុចអាចដោះដាក់ចុះឡើងបាន និងដុំបង្ហិលអេក្រង់ ដែលអាចប្រើជាពិសេសជាមួយកម្មវិធី Surface Studio​។ លើសពីនេះ វាត្រូវបានភ្ជាប់មកជាមួយថ្មដែលអាចទ្រទ្រង់ការប្រើប្រាស់រហូតដល់ ១៣ ម៉ោងកន្លះ។

តាមរយៈលក្ខណៈសម្បត្តិពិសេសៗទាំងនេះ វាអាចប្រើជាលក្ខណៈកុំព្យូទ័រយួរដៃក៏​បាន ឬជា Tablet ក៏បាន ហើយនេះ គឺខុសពី MacBook និង iPad របស់ក្រុមហ៊ុន Apple បច្ចុប្បន្ន ដែលពុំមានភាពបទបែបដូច្នោះឡើយ។

លោកអ្នកអាចកម្ម៉ង់ទិញ Surface Pro ស៊េរីឆ្នាំ ២០១៧ នេះ ទុកមុនបាន ចាប់​ពី​ឥឡូវនេះ ក្នុងតម្លៃ ៧៩៩ ដុល្លារ មុនពេលវាចេញលក់ផ្លូវការនៅថ្ងៃទី ១៥ មិថុនា ចំណែកក្តារចុចឥតខ្សែមានតម្លៃ ១៣០ ដុល្លារ ឯប៊ិកតម្លៃ ៩៩ ដុល្លារ៕

https://youtu.be/TwWs2jIy4js

ប្រភពព័ត៌មានៈ cnet, businessinsider