លោកអ្នកដែលប្រើប្រាស់ទូរសព្ទ​​ Android ស៊េរីទាបៗ អាចបន្ថែមមេម៉ូរីកាតបាន ប្រហែលជាឧស្សាហ៍ជួបបញ្ហាមេម៉េរូម៉ាស៊ីនពេញ នាំឱ្យទូរសព្ទដើរយឺតហើយ។ បើដូច្នេះមែន វិធីទាំងពីរខាងក្រោមដែល Post Tech លើក​យកមកបង្ហាញ ពិតជាអាចជួយលោកអ្នកបានជាមិនខាន៖

១- ប្តូរ App ទៅផ្ទុកក្នុងមេម៉ូរីកាតតាម Application Manager

• ចូលទៅកាន់កម្មវិធី Settings រួចចុចលើ Apps

• ជ្រើសរើស App ដែលចង់ទាញយកទៅផ្ទុកក្នុងមេម៉ូរីកាត (microSD Card)

• ចុចលើ Storage រួចចុចលើ Change (ប្រសិនបើមិនឃើញបានន័យថា App នោះមិនអាចប្តូរទីតាំងបានទេ) រួចចុចប្តូរទៅ Transcend SD card។ បញ្ជាក់: នៅខាងក្រោម Storage លោកអ្នកក៏អាច​ចុចលើ CLEAR DATA និង CLEAR CACHE ដើម្បីសម្អាតឯកសារសំណល់ចេញពីកម្មវិធីនោះបានផងដែរ

• ជាចុងក្រោយ សូមចុចលើ Move ជាការស្រេច។

២- ប្រើមេម៉ូរីកាតជាមេម៉ូរីម៉ាស៊ីន

• ចូលទៅកាន់កម្មវិធី Settings រួចចុចលើ Storage

• ជ្រើសរើសយក SD Card ឬ MicroSD Card

• ចុចលើមឺនុយចុចបីរាងបញ្ឈរឋិតនៅខាងលើ ជ្រុងខាងស្តាំ រួចជ្រើសយក Storage Settings

• ចុចលើ Format as Internal រួចចុចលើ Erase & Format (បញ្ជាក់: ត្រង់ដំណាក់កាលនេះ ទិន្នន័យ ឬឯកសារលើមេម៉ូរីកាតលោកអ្នកនឹងត្រូវឈុសចោលទាំងអស់)

• ចុចលើ Move now រួចចុចលើ NEXT នោះកម្មវិធីនឹងចាប់ផ្តើមធ្វើដំណើរការផ្ទេរចូល SD Card ឬ MicroSD Card របស់លោកអ្នក

• ជាចុងក្រោយ ចុចលើ Done ជាការស្រេច៕

ប្រភពព័ត៌មាន: tomsguide