ថ្មីមួយទៀតហើយ ម្តងនេះកើតឡើងនៅក្នុងប្រទេសចិនវិញម្តង!

ចិន: យោងតាមប្រព័ន្ធផ្សព្វផ្សាយរបស់រដ្ឋចិនថ្ងៃនេះ បានឱ្យដឹងថា អតិថិជនក្រុមហ៊ុន Apple ម្នាក់ឈ្មោះ Liu បានទទួល iPhone 8 Plus ដែលមានបញ្ហាហើបសម្បកចេញពីប្រអប់តែម្តង តែពុំឃើញមានសញ្ញានៃការផ្ទុះឆេះអ្វីឡើយ។

លោក Liu បានប្រគល់ទូរសព្ទ iPhone 8 Plus មួយគ្រឿងនោះ ទៅឱ្យអ្នកលក់វិញ ខណ:គាត់បានកម្ម៉ង់ទិញវាពីផ្សារអនឡាញ JD.com។ ទាក់ទងទៅនឹងករណីនេះ លោកបាននិយាយថា លោកមិនទាន់បានសាកថ្មទូរសព្ទនោះម្តងណាសោះឡើយ។

ថ្មីៗនេះ មានអ្នកទិញ iPhone 8 Plus​ មកប្រើ ៩ នាក់ហើយ ដែលត្រូវគេរាយការណ៍ និងអះអាងថា ជួបបញ្ហាស្រដៀងគ្នានេះ ហើយយ៉ោងហោចណាស់ក៏មានម្នាក់ដែរ ដែលនិយាយថា គេបានសាកថ្ម iPhone 8 Plus តាមឆ្នាំងសាកមកពីនាយ បន្ទាប់ពីទូរសព្ទជួបបញ្ហាប៉ោងថ្ម រហូតដល់ហើបសម្បកក្រោយចេញពីគ្នាអេក្រង់។

គួរបញ្ជាក់ថា រហូតមកទល់ពេលនេះ Apple មិនទាន់ចេញមុខបកស្រាយអំពីមូលហេតុដែលកំពុងលេចចេញជាបន្តបន្ទាប់នេះនៅឡើយទេ ដោយថាខ្លួនកំពុងធ្វើការស៊ើបអង្កេត៕

សូមចុចចូលទៅកាន់ទំព័រ Facebook របស់ Post Tech ដើម្បីទទួលបានព័ត៌មាន និងចំណេះដឹងទាក់ទងទៅនឹងបច្ចេកវិទ្យាថ្មីៗ…

ប្រភពព័ត៌មាន: Reuters