ក្រុមហ៊ុន Blu បានប្រកាសចេញស្មាតហ្វូនម៉ូឌែលថ្មីមួយមានឈ្មោះថា Vivo 8L ជាមួយតម្លៃទាបសមរម្យបំផុត ប៉ុន្តែ បំពាក់ថាមពលថ្មដ៏ខ្លាំងមហិមា គឺរហូតដល់ទៅ ៤០០០ មីល្លីអំពែរ។

ជាមួយតម្លៃដាក់លក់នៅ Amazon ប្រមាណ ១៩៩ ដុល្លារ ស្មាតហ្វូនចិនមួយនេះ បំពាក់អេក្រង់ Full HD ទំហំ ៥.៣ អីុញ ផ្តល់ថាមពលដំណើរការដោយបន្ទះឈីប MediaTek 6753 អមជាមួយ RAM ទំហំ ៣ ជីហ្គាបៃយ និងអង្គផ្ទុកទិន្នន័យជាប់ម៉ាស៊ីនទំហំ ៣២ ជីហ្គាបៃយ (អាចបន្ថែមក្រៅ ៦៤ ជីហ្គាបៃយទៀត)។

តួខ្លួនរបស់វាស្រោបដោយលោហៈ មានបន្ទះស្កេនក្រយៅដៃនៅខាងក្រោយ ចំណែកកាមេរ៉ាក្រោយមានទំហំ ១៣ មេហ្គាភិចសែល ឯកាមេរ៉ាមុខមានទំហំរហូតដល់ ២០ មេហ្គាភិចសែល។

ស្មាតហ្វូនក្រុមហ៊ុន Blu ម៉ូឌែលចុងក្រោយនេះ ដើរដោយប្រព័ន្ធ Android 7.0 Nougat ហើយត្រូវបានរចនាឡើងជាមួយរូបរាងយ៉ាងសាមញ្ញ សាកសមបំផុតសម្រាប់លោកអ្នកដែលមិននិយមលេងម៉ូដទូរសព្ទ៕

ប្រភពព័ត៌មានៈ androidauthority