រុស្ស៊ី៖ បើទោះបីជាមួយរយ:នេះ អំពើភេរវកម្មធំៗ ដែលបង្កឡើងដោយក្រុមឧទ្ទាម ISIS បានស្ងប់ស្ងាត់បន្តិចក្ដី
ប៉ុន្តែយោងតាមរបាយការណ៍ស្រាវជ្រាវថ្មីមួយ បានឲ្យដឹងថា ក្រុមរដ្ឋឥស្លាមផ្ដាច់ខ្លួនមួយនេះ កំពុងអន្ទងហៅ
អ្នកកាន់សាសនាឥស្លាមនៅតាមបណ្ដាលប្រទេសផ្សេងៗឲ្យចូលរួមជាសកម្មប្រយុទ្ធរបស់ខ្លួន។
តើក្រុម ISIS ប្រើប្រាស់វិធីសាស្ត្រអ្វីដើម្បីអន្ទងហៅអ្នកកាន់សាសនាឥស្លាមនៅតាមប្រទេសផ្សេងៗឲ្យចូលរួម
នៅក្នុងក្រុមខ្លួន? នៅក្នុងរបាយការណ៍សម្ងាត់របស់អាមេរិក និងរុស្ស៊ី បានលាតត្រដាងឲ្យឃើញថា ក្រុម ISIS
បានប្រើបណ្ដាញសង្គម Twitter ដើម្បីទាក់ទងគ្នា ប៉ុន្តែអ្វីដែលជាចំណុចសំខាន់នៅក្នុងឯកសារសម្ងាត់នោះគឺ ក្រុម ISIS បានប្រើកម្មវិធី Telegram ដើម្បីទាក់ទងគ្នា ហើយចំនួននៃការប្រើប្រាស់គឺច្រើនលើសលុប លើសពីការស្មាន។
ហេតុអ្វីបានជា ក្រុម ISIS ប្រើ Telegram? Telegram ជាកម្មវិធីជជែកកម្សាន្តមួយ ដែលទើបតែពេញនិយមជាបណ្ដើរ ហើយអ្វីដែលពិសេសនោះគឺ Telegram បានអនុញ្ញាតឲ្យអ្នកប្រើធ្វើការផ្ញើសារជាលក្ខណ:សម្ងាត់បំផុត ដោយបានបំប្លែងសារផ្សេងៗតាមរយ: Script ដែលមិនងាយនឹងបំប្លែងទៅរកអត្ថន័យដើមបាន។
ចំណុចល្អនេះហើយ ទើបធ្វើឲ្យក្រុម ISIS ប្រើប្រាស់ Telegram ដើម្បីទាក់ទងគ្នា។ មួយវិញទៀត នៅក្នុងវិធី Telegram ពួកគេអាចបង្កប់អន្ថន័យនៃសារនៅក្នុងរូបភាព។
គួរបញ្ជាក់ផងដែរថា បច្ចុប្បន្នចំនួនសកម្មប្រយុទ្ធ ISIS បានថមថយ ដោយសារតែមានការវាយប្រហារតាមដែនអាកាសពីសំណាក់ រុស្ស៊ី អាមេរិក និងសម្ព័ន្ធមិត្តផ្សេងៗ៕
មតិយោបល់