អាមេរិក៖ ក្រុមហ៊ុន Apple បានប្រកាសបង្ហាញរបាយការណ៍ហិរញ្ញវត្ថុប្រចាំត្រីមាសទី៣ ឆ្នាំ២០១៦ ដោយ​ប្រាក់ចំណូលបានធ្លាក់ចុះ ខណៈ iPhone លក់មិនដល់គោលដៅដែលបានកំណត់។

យោងតាមសេចក្ដីប្រកាសបានឲ្យដឹងថា ចន្លោះពេលពីខែមេសា ដល់​មិថុនា ក្រុមហ៊ុន Apple ទទួលបាន​ចំណេញសុទ្ធ ៧,៨ពាន់លានដុល្លារអាមេរិក ដោយបានធ្លាក់ចុះ​ ២៧ភាគរយ បើធៀបនឹង​ត្រីមាសដើមឆ្នាំ ១០,៦ពាន់លានដុល្លារអាមេរិក។ ចំណែកប្រាក់ចំណូលសុទ្ធ មានចំនួន ៤២,៣ពាន់លានដុល្លារអាមេរិក ដោយ​បានធ្លាក់ចុះ ១៤,៦ភាគរយ បើធៀបនឹង​ត្រីមាសដើមឆ្នាំមានចំនួន ៤៩,៦ពាន់លានដុល្លារអាមេរិក។

នៅក្នុងត្រីមាសនេះផងដែរ ត្បិតតែការលក់ iPhone ធ្លាក់ចុះ ប៉ុន្តែសម្រាប់ការលក់ Table វិញ បានកើនឡើង ៧ភាគរយ ដោយ iPad លក់បាន ១០,៩លានគ្រឿង ខណៈដែល iPhone លក់បានត្រឹមតែ ៤០,២លានគ្រឿង៕