អាមេរិក៖ បច្ចុប្បន្ន iPhone និង iPad ត្រូវបានគេចាត់ទុកថា ជាស្មាតហ្វូន និង​ Tablet ដ៏អស្ចារ្យ ក្រោមគំនិតច្នៃប្រឌិតរបស់លោក Steve Jobs។

ហេតុអ្វីបានជា Steve Jobs សម្រេចចិត្តបង្កើត iPad ឡើង? នេះជាសំណួរមួយដែល​មហាជន និងអ្នកគាំទ្រជាច្រើនងឿងឆ្ងល់ និងចង់ដឹង។

យោងតាមសារព័ត៌មាន Business Insider បានឲ្យ​ដឹងថា មូលហេតុដែល Steve Jobs បង្កើត ក៏ព្រោះតែខឹងនឹងបុគ្គលិក Microsoft។ នៅថ្ងៃមួយភរិយា​របស់ Steve Jobs ត្រូវបានបុរសម្នាក់ដែលធ្វើការនៅក្រុមហ៊ុន Microsoft អញ្ជើញឲ្យចូលរួមកម្មវិធីខួបកំណើត ហើយ​ Steve Jobs ក៏ទៅចូលរួមជាមួយ។

នៅក្នុងកម្មវិធី បុរសម្នាក់នោះបាននិយាយថាទៅកាន់ Steve Jobs ក្នុង​ជាលក្ខណៈផ្ចាញ់ផ្ចាល ថា Microsoft នឹងបង្កើត Tablet ដ៏អស្ចារ្យ ដែលគ្មាននរណាអាចធ្វើដូច។ក្រោយពីស្ដាប់ឮសំដីនេះ ស្អែកឡើង Steve Jobs បាន​ប្រជុំបុគ្គលិកជាន់ខ្ពស់ទាំងអស់ ឲ្យបង្កើត​ iPad ដោយមិនចាំបាច់ប្រើប៊ិច និងទុកពេលឲ្យ ៦ខែ។ ៦ខែក្រោយមក iPad របស់ Apple ក៏បានលេចចេញជារូបរាង ប៉ុន្តែ Steve Jobs មិនបានបញ្ចេញ iPad នៅពេលនោះទេ គឺ​បាន​ប្រែក្លាយ iPad ទៅជា iPhone វិញ និងបានបង្ហាញជាផ្លូវការនៅឆ្នាំ ២០០៧៕