Post News Media ព័ត៌មានបច្ចេកវិទ្យា Samsung Galax...

Samsung Galaxy Note 7 ប៊ិះសម្លាប់​មនុស្សមួយគ្រួសារនៅរដ្ឋផ្លរីដា

រដ្ឋផ្លរីដា: វាហាក់ដូចជារឿងភាគអីចឹង បើនិយាយអំពីហនិភ័យដែលបង្កឡើងដោយ​ស្មាតហ្វូន Galaxy Note 7 របស់ក្រុមហ៊ុន Samsung។ នៅថ្ងៃនេះ សារព័ត៌មាន Phone Arena បានចុះផ្សាយថា មនុស្សមួយគ្រួសារ ជិតបាត់បង់ជីវិត ដោយសារតែ Galaxy Note 7។

លោក Nathan Dornacher រស់នៅក្នុងតំបន់ St. Petersburg រដ្ឋផ្លរីដា សហរដ្ឋអាមេរិក បាន​និយាយថា លោកនឹងគ្រួសារ បានត្រៀមខ្លួនចេញដំណើរកម្សាន្ត ព្រោះវាជាថ្ងៃឈប់សម្រាក ហើយលោកបានសាកថ្ម Galaxy Note 7 នៅក្នុងរថ​យន្តម៉ាក Jeep ចំណែករូបលោក និងគ្រួសារគឺបានស្ថិតនៅក្នុងផ្ទះ។ មិនបានប៉ុន្មាននាទីផងដែរ ស្រាប​តែលោកបានឮសំឡេងផ្ទុះមួយនៅខាងមុខផ្ទះ រំពេចនោះ លោកបានចេញមកក្រៅ ក៏ស្រាបតែឃើញ​​ភ្លើង​ឆេះរថយន្តរបស់លោក។

ក្រុមពន្លត់អគ្គីភ័យក៏បានមកដល់ នៅប៉ុន្មាននាទីក្រោយ ប៉ុន្តែអ្វីដែលលោកអាចសន្មត់បាននោះគឺមកពី Galaxy Note 7 ទើបបណ្ដាលឲ្យកើតមានករណីបែបនេះ។ ខាងក្រុមហ៊ុន Samsung បានទាក់ទងមក​រូប​លោក ដោយសហការធ្វើការស៊ើបអង្កេតទៅលើករណីនេះ។

គួរបញ្ជាក់ផងដែរថា ចាប់តាំងពីដើមខែនេះ Galaxy Note 7 បានកើតមានបញ្ហា រហូតដល់ក្រុមហ៊ុន Samsung ប្រកាសប្រមូលមកវិញនៅទូទាំងពិភពលោក និងបាននិយាយថា បញ្ហានោះ វាបានកើតឡើង​ដោយសារតែថ្ម៕

samsung-galaxy-note-7-allegedly-explodes-inside-a-jeep-in-florida

samsung-galaxy-note-7-allegedly-explodes-inside-a-jeep-in-florida1

samsung-galaxy-note-7-allegedly-explodes-inside-a-jeep-in-florida2

samsung-galaxy-note-7-allegedly-explodes-inside-a-jeep-in-florida3

samsung-galaxy-note-7-allegedly-explodes-inside-a-jeep-in-florida4

samsung-galaxy-note-7-allegedly-explodes-inside-a-jeep-in-florida5