ផ្ទះ ព័ត៌មានបច្ចេកវិទ្យា Apple កំពុងស្...

Apple កំពុងស្រវាចាប់ឥណ្ឌា

0

អាមេរិក: ក្រុមហ៊ុន Apple បានចាប់ផ្ដើមអនុញ្ញាតឲ្យអតិថិជនរបស់ខ្លួន ធ្វើការបញ្ជាទិញ iPhone 7 និង 7 Plus ដោយតាមការប៉ាន់ប្រមាណ តួលេខនៃការបញ្ជាទិញអាចច្រើនជាង iPhone 6 ខណ:ដែល​ក្រុមហ៊ុនមួយនេះ ត្រូវបានគេដឹងថា​កំពុងចាប់យកឥណ្ឌាធ្វើជាទីផ្សារធំ។

អ្នកវិភាគទីផ្សារស្មាតហ្វូន IDC បានលើកឡើងថា Apple កំពុងតែ​ស្វែង​រក​វិធីសាស្ត្រដ៏ល្អៗ ដែល​ពង្រីកទីផ្សារស្មាតហ្វូននៅក្នុងប្រទេសឥណ្ឌា ខណ:ដែលត្រីមាសកន្លងទៅនេះ ស្ទើរតែគ្មានចំណែកទីផ្សារទាល់តែសោះ។

របាយការណ៍ថ្មីបានបង្ហាញថា Apple បានចាប់យកឥណ្ឌាធ្វើជាទីផ្សារធំលំដាប់ទី២របស់ខ្លួនវិញ​ ដោយ​ទុកចិននៅមួយឡែក ព្រោះត្រីមាសកន្លងទៅនេះ ចំណែកទីផ្សារស្មាតហ្វូនរបស់ Apple នៅចិនបានធ្លាក់​ចុះយ៉ាងខ្លាំង ដោយសារតែមានគូប្រជែងក្នុងស្រុក ចេញលក់ស្មាតហ្វូនក្នុងតម្លៃថោកជាង ប៉ុន្តែគុណភាពប្រហាក់ប្រហែលគ្នា។

មួយរយ:ពេលក្រោយនេះ ក្រុមហ៊ុន Apple ហាក់ដូចជាយកចិត្តយកថ្លើមរដ្ឋាភិបាលឥណ្ឌាយ៉ាងខ្លាំង ដោយក្នុងនោះ រឿងបង្កើតរោងចក្ររបស់ក្រុមហ៊ុន Foxconn ក៏ត្រូវបានគេដឹងថា មានការជ្រោមជ្រែង​ពី Apple ផងដែរ ទើបក្រុមហ៊ុនចិនមួយនេះ អាចដំណើរការទៅបាន៕

appleq2results_timcookmodi_

មតិយោបល់