Post News Media ព័ត៌មានបច្ចេកវិទ្យា រថយន្ត Honda ...

រថយន្ត Honda Civic Tourer ស៊ីសាំងតែ ២,៨ លីត្រ ចម្ងាយផ្លូវ​ ១០០ គីឡូម៉ែត្រ

គេនៅចាំបានថា Honda បានបំបែកកំណត់ត្រាពិភពលោក Guinness World Records កាលពីឆ្នាំ​២០១៥ ដែលជា​រថយន្តស៊ីសាំងតិច​ជាងគេ ក្នុងអំឡុងបើក​បរចម្ងាយផ្លូវ ១៣ ៤៩៨​ គីឡូម៉ែត្រ ឆ្លង​កាត់ប្រទេស​ក្នុងសហគមន៍​អឺរ៉ុបចំនួន ២៤ ។
ក្នុងអំឡុង​ពេលបើកឆ្លងកាត់​២៤ ប្រទេសនោះ រថយន្ត Honda Civic Tourer ស៊ីសាំងតែ ២,៨ លីត្រ ក្នុងចម្ងាយផ្លូវ ១០០ គីឡូម៉ែត្រ ។​

សម្រាប់ដំណើរបើកបរ​ឆ្លងកាត់ប្រទេសនេះ គឺបើកដោយ​សមាជិកពីរនាក់ នៃក្រុមអ្នកស្រាវជ្រាវ​ និង​អភិវឌ្ឍន៍ ក្រុមហ៊ុនហុងដា ប្រចាំ​អឺរ៉ុប គឺលោក Fergal McGrath និង​ Julian Warren ។ ចម្ងាយផ្លូវនៃការបើកបរធ្វើឡើងពីផ្ទះរបស់គេនៅអូស្ត្រាលី ទៅកាន់ ចក្រភពអង់គ្លេស ដោយគ្រាន់តែ​ឈប់ចាក់សាំង​ចំនួន ៩ ដង​តែប៉ុណ្ណោះ។​សម្រាប់តម្លៃរថយន្តខាងលើគឺ ២៥ ៣៧៥ ដុល្លារ​អាម៉េរិក តែប៉ុណ្ណោះ ។​
អាច​ចាត់ទុកថា Honda Civic Tourer ជា​រថយន្តដែលស៊ីសាំងតិច​ជាងគេ ក្នុងត្រកូលរថយន្តទំនើបៗ ដែលកំពុងវាយលុកទីផ្សារពិភពលោកនោះ ។​
បើយោងតាមគេហទំព័រ driving បានបង្ហាញរថយន្ត Civic Coupe ដែលជារថយន្តរបស់ហុងដា ស៊េរីឆ្នាំ ២០១៦ គឺស៊ីសាំង​ រហូតដល់ទៅ ៥,៨ លីត្រ សម្រាប់ផ្លូវ​ក្រៅក្រុង និង ក្នុងក្រុង ៨,៨ លីត្រ ក្នុង ១០០ គីឡូម៉ែត្រ ៕​

honda
honda-civic-tourer-0