អាមេរិកៈ ក្រុមហ៊ុន Apple បានជូនដំណឹងដល់អតិថិជនដែលប្រើប្រាស់ iPhone 4 ទាំងអស់ឲ្យបានជ្រាប​ថា ចាប់ពីចុងខែតុលានេះតទៅ ក្រុមហ៊ុននឹងមិនទទួលជួសជុល iPhone 4 ទៀតទេ ដូច្នេះចូលប្រើប្រាស់​ដោយ​ប្រុងប្រយ័ត្ន។

ក្រុមហ៊ុន Apple បានយកលេសថា iPhone 4 ជាម៉ូដែលចាស់ ដូច្នេះវាពិបាកក្នុងការរកគ្រឿងបន្លាស់ និង​សេវាកម្មជួសជុល ប៉ុន្តែបើតាមការពិនិត្យជាក់ស្ដែងគឺ Apple ចង់រកលុយបន្ថែម តាមរយៈប្ដូរអតិថិជន iPhone 4 ទៅ iPhone 7 មានន័យថា សម្រាប់អ្នកប្រើ iPhone 4 អាចនឹងងាកទៅចាប់អារម្មណ៍ជាមួយ iPhone 7 វិញ​ម្ដង។

ថ្មីៗនេះ ក្រុមហ៊ុន Apple បានឈប់លក់ iPad ម៉ូដែល 16GB និងឈប់លក់ iPhone 4, 4S, 5 និង 5S ដែល​ទង្វើនេះ ជាក់ស្ដែងណាស់ គឺ Apple ចង់ឲ្យអតិថិជនរបស់ខ្លួន ទិញ iPhone 7៕