សិង្ហបុរី: រដ្ឋាភិបាលនៃប្រទេសសិង្ហបុរី បានចុះហត្ថលេខាលើកិច្ចព្រមព្រៀងមួយនាពេលថ្មីៗនេះ ដើម្បីចាប់ផ្ដើមសាកល្បងការប្រើប្រាស់រថយន្តក្រុងបើកបរដោយស្វ័យប្រវត្តិ (បើកដោយខ្លួនឯង) ដែលវាជាកិច្ចខិតខំប្រឹងប្រែងរបស់រដ្ឋាភិបាល និងជាទស្សន:វិស័យដើម្បីប្រើប្រាស់បច្ចេកវិទ្យាក្នុងការដោះស្រាយជាមួយនឹងបញ្ហាប្រឈមមុខមួយចំនួន។

អ្នកនាំពាក្យរបស់ក្រសួងដឹកជញ្ជូនសិង្ហបុរី បានថ្លែងឲ្យដឹងថា «ដើម្បីសម្រេចក្ដីសុបិនដ៏ធំ គឺត្រូវចាប់ផ្ដើមពីចំណុចតូចៗ»។ អ្នកនាំពាក្យរូបនេះ បានបន្តទៀតថា ការសាកល្បងរថយន្តក្រុងបើកបរដោយស្វ័យប្រវត្តិនេះ នឹងជួយសម្រូលការងារមួយចំនួន ជាពិសេសគឺបញ្ហាដែលកំពុងកើតមាន ទៅលើការស្ទះចរាចរណ៍។

គួរបញ្ជាក់ផងដែរថា កាលពីខែសីហា កន្លងទៅនេះ សិង្ហបុរី ក៏បានសាកល្បងរថយន្តតាក់ស៊ីបើកបរដោយស្វ័យប្រវត្តិផងដែរ ក្រោមកិច្ចសហការជាមួយនឹងក្រុមហ៊ុន nuTonomy៕

ទស្សនាវីដេអូ៖

https://www.youtube.com/watch?v=Hv1TVLMpNCQ