iPhone X គឺជាទូរសព្ទដៃដែលថ្លៃជាងគេបំផុតមិនធ្លាប់មានរបស់ក្រុមហ៊ុន Apple ដែលវាមានតម្លៃ ៩៩៩ ដុល្លារ (សម្រាប់ម៉ាស៉ីន ៦៤ GB) និង ១១៤៩ ដុល្លារ (សម្រាប់ម៉ាស៊ីន ២៥៦ GB)។ ប៉ុន្តែ នេះគឺគ្រាន់តែជាតម្លៃគោលប៉ុណ្ណោះ ពោលគឺ បើសិនជាលោកអ្នកចង់ប្រើឆ្នាំងសាកឥតខ្សែ ក្បាលបំម្លែងខ្សែ USB ទៅ Lighting ខ្សែសាកថ្មីរហ័សពេញ ជាដើម លោកអ្នកត្រូវចំណាយលុយបន្ថែមទៀតទៅលើវា ពោលគឺ វាពុំមានភ្ជាប់មកនៅក្នុងប្រអប់នោះឡើយ។​

បន្ថែមពីលើនេះ សម្រាប់តម្លៃគ្រឿងបន្លាស់ និងបណ្ណធានាជួសជុសពី AppleCare+ របស់ក្រុមហ៊ុនក៏ថ្លៃខុសគ្នាឆ្ងាយពី iPhone ស៊េរី 8 និង 8 Plus ផងដែរ។ ដូច្នេះ សម្រាប់លោកអ្នកដែលកំពុងប្រាថ្នាទិញ iPhone X មកប្រើ សូមមើលតារាងតម្លៃគ្រឿងបន្លាស់ និងគ្រឿងបន្ទាប់បន្សំសំខាន់ៗរបស់វាជាមុនសិន ដែល Post Tech សូមបង្ហាញជូនដូចខាងក្រោមខាងក្រោម៖

1- តម្លៃបណ្ណធានា និងគ្រឿងបន្លាស់សំខាន់ៗ៖
– AppleCare+ : ១៩៩ ដុល្លារ (ជួសជុលរយៈពេលពីរឆ្នាំ)
– ខ្សែសាកថ្មរហ័សពេញ : ៤៩ ដុល្លារ
– ក្បាលឌុយបំប្លែងពី USB ទៅ Lighting : ១ ម៉ែត្រ (២៥ ដុល្លារ) ឬ ២ ម៉ែត្រ (៣៥ ដុល្លារ)
– ឆ្នាំងសាកថ្មឥតខ្សែ Apple AirPower ចាប់ពី ៩៩ ទៅ ១៤៩ ដុល្លារ

2- តម្លៃប្តូរកញ្ចក់ និងជួសជុលការខូចខាតផ្សេងៗ៖
– iPhone X: ប្តូរអេក្រង់ ២៧៩ ដុល្លារ, ជួសជុលលើផ្នែកផ្សេងៗ (៥៤៩ ដុល្លារ)
– iPhone 8 Plus: ប្តូរអេក្រង់ ១៦៩ ដុល្លារ, ជួសជុលលើផ្នែកផ្សេងៗ (៣៩៩ ដុល្លារ)
– iPhone 8: ប្តូរអេក្រង់ ១៤៩ ដុល្លារ, ជួសជុលលើផ្នែកផ្សេងៗ (៣៤៩ ដុល្លារ)
– iPhone 7 Plus: ប្តូរអេក្រង់ ១៦៩ ដុល្លារ, ជួសជុលលើផ្នែកផ្សេងៗ (៣៤៩ ដុល្លារ)
– iPhone 7: ប្តូរអេក្រង់ ១៤៩ ដុល្លារ, ជួសជុលលើផ្នែកផ្សេងៗ (៣១៩ ដុល្លារ)
– iPhone 6 Plus: ប្តូរអេក្រង់ ១៦៩ ដុល្លារ, ជួសជុលលើផ្នែកផ្សេងៗ (៣២៩ ដុល្លារ)
– iPhone 6: ប្តូរអេក្រង់ ១៤៩ ដុល្លារ, ជួសជុលលើផ្នែកផ្សេងៗ (២៩៩ ដុល្លារ)

ញាក់សាច់! ពេលដឹងតម្លៃប្តូរកញ្ចក់តួក្រោយ iPhone 8/8 Plus ពី AppleCare+

ប្រភពព័ត៌មានៈ forbes