ព័ត៌មានសុខភាព

អាហារ៧ប្រភេទ ដែលស្ត្រីមានផ្ទៃពោះ​គួរជៀសវាង​បើមិនចង់​រលូតកូន!

ការទទួលទានអាហារដែលសម្បូរទៅដោយវីតាមីន ប្រូតេអ៊ីន និងសារធាតុចិញ្ចឹម ពិតជាមានសារ:សំខាន់ណាស់ចំពោះការអភិវឌ្ឍទារកក្នុងផ្ទៃ។ ប៉ុន្តែបើយោងតាមគេហទំព័រ boldsky បានបង្ហាញថា មានអាហារមួយចំនួនដែលស្ត្រីមានផ្ទៃពោះមិនគួរទទួលទានឡើយ ព្រោះវាអាចប៉ះពាល់ដល់ទារកក្នុងផ្ទៃ បើធ្ងន់ធ្ងរអាចរលូតថែមទៀត។

ខាងក្រោមនេះជាប្រភេទអាហារដែលស្ត្រីមានផ្ទៃពោះគួរកាត់បន្ថយ ឬជៀសវាងតែម្តង៖

១. បន្លែ និងផ្លែឈើដែលមិនបានលាងឲ្យសម្អាត
បន្លែ និងផ្លែឈើដែលមិនបានលាងសម្អាតឲ្យត្រឹមត្រូវ សម្បូរទៅដោយមីក្រុបបង្កគ្រោះថ្នាក់ផ្សេងៗ ដែលនាំឲ្យមានការឆ្លងមេរោគ ហើយនៅទីបំផុតអ្នកអាចប៉ះពាល់ដល់កូនក្នុងផ្ទៃ។

២. ផ្លែគូលែន
គូលែន ជាផ្លែឈើមួយប្រភេទទៀតដែលស្ត្រីគួរតែជៀសវាង ព្រោះវាអាចបង្កើនកម្តៅនៅក្នុងរាងកាយ ដែលបណ្តោលឲ្យមានការហូរឈាមតាមទ្វារមាស និងរលូតកូនបើអ្នកញ៉ាំច្រើន។

៣. ដំឡូងបារាំងដែលដុះពន្លក
អ្នកវិទ្យាសាស្ត្របានអះអាងថា សមាសធាតុ Solanine ដែលមាននៅក្នុងដំឡូងបារាំងដុះពន្លក អាចប៉ះពាល់ដល់ទារក ហើយនាំឲ្យរលូតថែមទៀត។

៤. គ្រាប់ល្ង
គ្រាប់ល្ង គឺជាធាតុផ្សំមួយទៀតដែលអាចជួយបង្កើនកម្តៅនៅក្នុងរាងកាយរបស់ស្ត្រីមានផ្ទៃពោះ ជាពិសេសនៅពេលដែលលាយជាមួយទឹកឃ្មុំអាចបណ្តោលឲ្យរលូតកូន។

៥. ថ្លើម
អ្នកគួរតែកាត់បន្ថយការទួលទានថ្លើមសត្វ ព្រោះវាសម្បូរទៅដោយវីតាមីន A ដែលអាចបង្កឲ្យទារកខូចទ្រង់ទ្រាយទារក និងរលូត។

៦. កាហ្វេ
ការទទួលទានកាហ្វេក្នុងបរិមាណច្រើនហួសក្នុងអំឡុងពេលមានផ្ទៃពោះ អាចបណ្តោលឲ្យរលូតកូន។ ព្រោះជាតិកាហ្វេអ៊ីនលើសកម្រិតអាចផលិតកម្តៅនៅក្នុងរាងកាយស្ត្រីកាន់តែច្រើនឡើង។

៧. តែបៃតង
ការសិក្សាស្រាវជ្រាវជាច្រើនបានអះអាងថា ការទទួលទានតែបៃតងមួយថ្ងៃមួយពែង ពិតជាមានអត្ថប្រយោជន៍សម្រាប់ស្ត្រីមានផ្ទៃពោះ។ ក៏ប៉ុន្តែការទទួលទានច្រើនហួសប្រមាណអាចបណ្តោលឲ្យរលូតកូន ព្រោះតែបៃតងក៏មានផ្ទុកជាតិកាហ្វេអ៊ីនដែរ៕

មតិយោបល់