គ្រប់គ្នាច្បាស់ជាធ្លាប់ដឹងអំពីអត្ថប្រយោជន៍ខ្លះៗនៃស្រាក្រហមរួចមកហើយ ក៏ប៉ុន្តែអ្នកប្រហែលជាមិនទាន់ដឹងពីពេវេលា និងបរិមាណដែលត្រូវទទួលទានស្រាក្រហម ដើម្បីឲ្យទទួលបានអត្ថប្រយោជន៍ខ្លាំងនៅឡើយទេ។
ការទទួលទានស្រាក្រហមបានត្រឹមត្រូវ អាចជួយថែរក្សាសុខភាពទូទៅ ក៏ដូចជាអាចការពារពីជំងឺមួយចំនួនបានថែមទៀត។ ដូច្នេះ បើយោងតាមគេហទំព័រ boldsky បានបង្ហាញថា ការទទួលទានស្រាក្រហមមួយកែវរាល់យប់ ពិតជាមានអត្ថប្រយោជន៍សម្បើមណាស់សម្រាប់សុខភាព។
១.ជួយឲ្យប្រសើរឡើងនូវប្រព័ន្ធភាពស៊ាំ
សារធាតុប្រឆាំងអុកស៊ីតកម្មនៅក្នុងស្រាក្រហម អាចជួយបង្កើនប្រព័ន្ធភាពស៊ាំបន្តិចម្តងៗ តាមរយ:ការផ្គត់ផ្គង់កោសិកាទាំងអស់នៅក្នុងរាយកាយ ព្រមទាំងអាចបញ្ជៀសពីបញ្ហាជំងឺផ្សេងៗបានផងដែរ។
២.គេងលក់ស្រួល
ការទទួលទានស្រាក្រហមមួយកែវនៅពេលយប់ អាចជួយជំរុញឲ្យអ្នកគេងលក់ស្រួល ដោយសារតែវាអាចជួយរក្សាប្រព័ន្ធប្រសាទឲ្យស្ងប់ស្ងាត់ និងកាត់បន្ថយភាពតានតឹង។
៣.ធ្វើឲ្យសរសៃឈាមបេះដូងមានភាពប្រសើរឡើង
ការសិក្សាជាច្រើនបានរកឃើញថា ការទទួលទានស្រាក្រហមមួយកែវជារៀងរាល់យប់ អាចធ្វើឲ្យប្រសើរឡើងនូវសរសៃឈាមបេះដូង និងរក្សាបេះដូងឲ្យមានសុខភាពល្អ។
៤.ជួយរក្សាវ័យ
ដោយសារតែវត្តមាននៃសារធាតុប្រឆាំងអុកស៊ីតកម្ម ធ្វើឲ្យស្រាក្រហមអាចជួយពង្រឹងកោសិការបស់អ្នកឲ្យមានសុខភាពល្អ និងកាត់បន្ថយភាពចាស់។
៥.ជួយសម្រកទម្ងន់
ការទទួលទានស្រាក្រហម១កែវជារៀងរាល់យប់ អាចជួយបង្កើនអត្រានៃការរំលាយអាហារ និងបង្កើនសមត្ថភាពដុតបំផ្លាញ់ជាតិខ្លាញ់នៅក្នុងរាងកាយផងដែរ។
៦.ធ្វើឲ្យឆ្អឹងរឹងមាំ
ស្រាក្រហមត្រូវបានគេទទួលស្គាល់ថា អាចជួយបង្កើនសមត្ថភាពឆ្អឹងក្នុងការស្រូបយកជាតិកាល់ស្យូម ហេតុនេះឆ្អឹងរបស់អ្នកកាន់តែរឹងមាំ៕
មតិយោបល់