ការស្រាវជ្រាវមួយបានធ្វើឡើងដោយក្រុមអ្នកជំនាញ​មកពីសាកលវិទ្យាល័យ Harvard បានរកឃើញថា ជាតិខ្លាញ់​មានផល​ប៉ះពាល់​ធំបំផុត​ដល់មេជីវិតឈ្មោល។ ព្រោះអាស៊ីតខ្លាញ់​ឆ្អែត អាចបំផ្លាញ់​ចំនួនមេជីវិតឈ្មោល​ដែលមាន​សុខភាពល្អ​ឲ្យខ្សោយ​បន្តិច​ម្តងៗ។ ហេតុនេះហើយទើបអ្នកជំនាញផ្តល់​អនុសាសន៍ឲ្យប្រើប្រេង​អូលីវជំនួសវិញ ទើបមេជីវិតឈ្មោល​មានសុខភាពល្អ និង​សកម្មថែមទៀត។

វេជ្ជបណ្ឌិត Jill Altman ដែលបានធ្វើការសិក្សាទៅលើ​បញ្ហានេះមាន​ប្រសាសន៍ថា ចំពោះបុរស​ដែលចង់បាន​កូនឆាប់ៗ គួរជៀសវាង​ទទួលទានខ្លាញ់ ទោះបីជាសាច់ ឬនំ ដែលដំណើរការ​ចម្អិនដោយ​ប្រើខ្លាញ់ក៏ដោយ។ ផ្ទុយទៅវិញ​អ្នកគួរតែ​ប្រើប្រេងអូលីវ និងព្យាយាមទទួលទានត្រី​ដែលសម្បូរទៅដោយ​អាស៊ីតខ្លាញ់អូមេហ្គា៣។

ម្យ៉ាងវិញអ្នកគួរតែជៀសវាងប្រើប្រាស់ផលិតផល​ដែលផលិតពីប្លាស្ទិច​ដូចជា ថង់ ដប កែវជ័រ ប្រអប់ច្រកម្ហូបអាហារ រួមទាំង​ឈើចាក់ធ្មេញ ព្រោះរបស់ទាំងអស់នេះ​ក៏ជាមូលហេតុដែលធ្វើឲ្យមេជីវិត​ឈ្មោលខ្សោយ​ផងដែរ។ លើសពីនេះ​ទៅទៀត អ្នកត្រូវឈប់ជក់បារី ផឹកស្រា ភេសជ្ជៈប៉ូវកម្លាំង និងនៅឲ្យឆ្ងាយ​ពីបញ្ហាស្ត្រេស​ប្រចាំថ្ងៃ៕

ប្រភពៈhealthycaregroup