ព័ត៌មានសុខភាព

អនុវត្ត៤យ៉ាងនេះ ខួរក្បាលរបស់អ្នកនឹងមានការចងចាំបានល្អ

មនុស្សមួយចំនួនតែងតែមានការភ្លេចភ្លាំងច្រើន ហើយពេលខ្លះសូម្បីតែរបស់កាន់ជាប់នៅនឹងដៃខ្លួនឯងក៏រកមិនឃើញដែរ។ តើអ្នកធ្លាប់ជួបស្ថានភាពបែបនេះទេពីមុនមក? បើយោងតាមការស្រាវជ្រាវបានបង្ហាញថា មនុស្សមួយចំនួនធំដែលឈានដល់វ័យ៤០ឡើងទៅ តែងតែប្រឈមនឹងបញ្ហាការចង់ចាំ ព្រោះក្នុងវ័យនេះប្រព័ន្ធដំណើរការខួរក្បាលចាប់ផ្តើមចុះខ្សោយបន្តិចម្តងៗ។ ដូច្នេះហើយ ដើម្បីបង្កើនការចង់ចាំឡើងវិញ មិនថាអ្នកជាមនុស្សវ័យក្មេង ឬមនុស្សចាស់នោះទេ គួរតែព្យាយាមអនុវត្ត៤ចំណុចនេះឲ្យបាន។

១.លេងហ្គេម
ការលេងហ្គេម ប្រៀបដូចជាការធ្វើលំហាត់ប្រាណខួរក្បាលឲ្យមានសកម្មភាពអញ្ចឹង ហេតុនេះហើយខួរក្បាលរបស់អ្នកនឹងមានសមត្ថភាពចង់ចាំបានល្អ។ ផ្ទុយទៅវិញ ប្រសិនបើអ្នកបណ្តោយឲ្យខួរក្បាលនៅស្ងៀមគ្មានសកម្មភាពអ្វីសោះ វានឹងស្ពឹក គ្មានភាពរហ័សរហួន ហើយគិតអ្វីក៏មិនចេញដែរ។

២.ទម្លាប់ធ្វើលំហាត់ប្រាណ
ការសិក្សាថ្មីមួយបានបង្ហាញថា ទម្លាប់ធ្វើលំហាត់ប្រាណជាប្រចាំអាចជួយបង្កើនការចង់បានល្អ មិនថាឡើយមនុស្សពេញវ័យ សូម្បីតែមនុស្សដែលមានវ័យ៥០ឆ្នាំជាងក៏ដោយ។ ជាពិសេស ការធ្វើលំហាត់ប្រាណអាចជួយកែលម្អរលំហូរឈាមទៅកាន់គ្រប់ផ្នែកនៃរាងកាយ និងខួរក្បាលផងដែរ។

៣.កាត់បន្ថយការទទួលទានគ្រឿងស្រវឹង
បើតាមការស្រាវជ្រាវបានរកឃើញថា មនុស្សមានវ័យកណ្តោលជាងពាក់កណ្តោលនៅទូទាំងពិភពលោកចូលចិត្តទួលទានគ្រឿងស្រវឹងរាល់ថ្ងៃ លទ្ធផលកម្រិតនៃការចង់ចាំខ្សោយជាងអ្នកដែលមិនទទួលទានគ្រឿងស្រវឹងឆ្ងាយណាស់។ ហេតុនេះហើយ ដើម្បីឲ្យខួរក្បាលមានសុខភាពល្អ និងគ្មានបញ្ហាការចង់ចាំ អ្នកគួរកាត់បន្ថយការទទួលទានគ្រឿងស្រវឹង។

៤.កុំបណ្តោលឲ្យរាងកាយឡើងទម្ងន់ខ្លាំងពេក

ជាតិខ្លាញ់នៅក្នុងរាងកាយច្រើនពេក មិនត្រឹមតែធ្វើឲ្យអ្នកមានបញ្ហាសុខភាពទូទៅប៉ុណ្ណោះទេ វាថែមទាំងធ្វើឲ្យអ្នកប្រឈមនឹងជំងឺវង្វេង ព្រមទាំងខ្សោយការចង់ចាំផងដែរ។ មនុស្សដែលធាត់ជ្រុលត្រូវបានគេរកឃើញថា មានការចង់ចាំថយចុះជាងមនុស្សធម្មតារហូតដល់ទៅ៣ដង។
ក្រៅពីអនុវត្តតាម៤ចំណុចនៅខាងលើនេះ អ្នកគួរតែព្យាយានទទួលទានអាហារដែលជំនួយដល់ខួរក្បាលដូចជា ផ្លែទំពាំងបាយជូរក្រៀម ផ្លែស្ត្ររបេរី រមៀត ស្ពៃក្តោប ស្ពៃ ខ្មៅ ម្អម ម្រះព្រៅ និងបន្លែពណ៌បៃតងផ្សេងៗទៀត…៕

ប្រភព: pinoyhealthguide

មតិយោបល់