បញ្ហាសម្ពាធឈាមឡើងខ្ពស់ អាចបណ្តោលឲ្យអ្នកត្រូវប្រឈមនឹងហានិភ័យនៃជំងឺមួយចំនួនដូចជា តម្រងនោម គាំងបេះដូង ដាច់សរសៃឈាមខួរក្បាល និងបញ្ហាភ្នែកមើលមិនច្បាស់ផងដែរ។ ដើម្បីព្យាបាលបញ្ហាសម្ពាធឈាមឡើងខ្ពស់ឲ្យឆាប់ជាសះស្បើយឡើងវិញ អ្នកត្រូវផ្លាស់ប្តូររបៀបរស់នៅប្រចាំថ្ងៃ ផ្លាស់ប្តូររបបអាហារ រួមទាំងប្រើថ្នាំតាមវេជ្ជបញ្ជា។ ក៏ប៉ុន្តែ ក្រៅពីថ្នាំពេទ្យ អ្នកអាចការពារ និងកាត់បន្ថយបញ្ហាសម្ពាធឈាមឡើងខ្ពស់តាមរយ:ឱសថសាមញ្ញាប៉ុណ្ណោះ។ រីឯប្រព័ន្ធសរសៃឈាមបេះដូងរបស់អ្នក ក៏ត្រូវបានសម្អាតយ៉ាងមានប្រសិទ្ធភាពបំផុត។

ធាតុផ្សំ៖

• ខ្ញីប្រែង ៤សង់ទីម៉ែត្រ
• ខ្ទឹមសចំនួន៤កំពឹស
• ក្រូចឆ្មារ ៤ផ្លែ
• ទឹកពីរលីត្រ

របៀបអនុវត្ត
១.លាងធាតុផ្សំទាំងអស់ឲ្យស្អាត រួចហាន់ជាចំណិតស្តើងៗដាក់ចូលទៅក្នុងម៉ាស៊ីនក្រឡុក ។
២.ចាក់ទឹកចូលបន្តិច ហើយក្រឡុករហូតក្លាយទៅជាល្បាយម៉ត់ល្អ។
៣.បន្ទាប់មកដាក់វាចូលទៅក្នុងឆ្នាំងមួយ រួមទាំងទឹកដែលនៅលើ ហើយដាំឲ្យពុះ។
៤.រំងាស់ឲ្យទឹករីងបន្តិចសិន ទើបលើកចុះពីលើភ្លើង។
៥.នៅពេលល្បាយត្រជាក់ សូមច្រកចូលទៅក្នុងដប ហើយទុកក្នុងទូរទឹកកក។
៦.សូមទទួលទាននៅពេលព្រឹកទាំងពោទទេចំនួន៤ស្លាបព្រាបាយ និងមុនពេលគេង៤ស្លាបព្រាបាយ។

អនុវត្តវិធីនេះជារៀងរាល់ថ្ងៃ វានឹងជួយសម្អាតសរសៃឈាមរបស់អ្នក ព្រមទាំងថែរក្សាសុខភាពរបស់អ្នកឲ្យល្អប្រសើរឡើងវិញ៕

ប្រភព៖ beextrahealthynow