Post News Media ព័ត៌មានសុខភាព បន្លែ ៣ប្រភេទ...

បន្លែ ៣ប្រភេទហាមញ៉ាំលាយជាមួយនឹងការ៉ុត

ការ៉ុតត្រូវបានគេចាត់ចូលជាក្រុមបន្លែពណ៌លឿង ដែលមានគុណសម្បត្តិខ្លាំងបំផុតសម្រាប់សុខភាព ជាពិសេសគឺវីតាមីន A របស់វាជួយឲ្យភ្នែកភ្លឺច្បាស់។ តែបើទោះបីជាការ៉ុត ផ្តល់អត្ថប្រយោជន៍ខ្លាំងចំពោះរាងកាយក៏ដោយ ប្រសិនបើអ្នកប្រើប្រាស់មិនបានត្រឹមត្រូវទេ សារធាតុ សារធាតុចិញ្ចឹមរបស់វានឹងត្រូវបំផ្លាញអស់ ហើយការទទួលទានក៏លែងមានប្រយោជន៍ដែរ។

ខាងក្រោមនេះ ជាបន្លែមួយចំនួនដែលអ្នកពុំគួរញ៉ាំលាយជាមួយការ៉ុតឡើយ៖

១.ការ៉ុត និងម្ទេស
ក្រៅពីសម្បូរសារធាតុបេតាការ៉ូទីន ការ៉ុតក៏សម្បូរវីតាមីន C ដែលត្រូវបានគេស្គាល់ថា ងាយនឹងបំផ្លាញដោយអង់ស៊ីម។ មិនតែប៉ុណ្ណោះ ម្ទេសក៏មានផ្ទុកវីតាមីន C ខ្ពស់ដូចគ្នា ប្រសិនបើអ្នកញ៉ាំឆៅ ក្នុងពេលតែមួយ សារធាតុចិញ្ចឹមនឹងត្រូវបាត់បង់។
តែទោះជាយ៉ាងណា អង់ស៊ីមមិនអាចទប់ទល់ជាមួយនឹងកម្តៅបាននោះទេ ដូច្នេះអ្នកមិនចាំបាច់បារម្ភឡើយ ពេលដែលបន្លែទាំងពីរមុននេះចម្អិនជាមួយគ្នា។

២.ការ៉ុត និងទឹកខ្មេះ
ទឹកខ្មេះ មានផ្ទុកជាតិអាស៊ីតអាចបំផ្លាញ សារធាតុបេតាការ៉ូទីនបាន នៅពេលដែលចម្អិនការ៉ុត អ្នកមិនគួរបន្ថែមទឹកខ្មេះចូលឡើយ ព្រោះជាតិអាស៊ីតវាអាចបំផ្លាញសារធាតុប៉េតាការ៉ូទីន។ ហេតុនេះ ប្រសិនបើអ្នកមិនចង់ឲ្យសារធាតុសំខាន់ របស់ការ៉ុត ត្រូវបំផ្លាញ គួរជៀសវាងចម្អិនលាយបញ្ចូលគ្នា។

៣.ការ៉ុត និងឆៃថៅ
ទោះបីជាការ៉ុត និងឆៃថៅ ជាបន្លែដ៏ល្អសម្រាប់សុខភាពក៏ដោយ ប៉ុន្តែអ្នកមិនគួរបរិភោគក្នុងពេលដំណាលគ្នាឡើយ ព្រោះវាអាចបំផ្លាញអង់ស៊ីម និង C របស់វាត្រូវបានបំផ្លាញចោល។ ដូច្នេះ អ្នកមិនអាចទទួលបានអាហារូបត្ថម្ភ ពេញលេញពីបន្លែទាំងពីរប្រភេទនេះឡើយ។

ឆៃថៅ មានផ្ទុក អង់ស៊ីម ប្រេង និងសមាសធាតុចាំបាច់ដទៃទៀត ដែលអាចជួយជំរុញដល់ការរំលាយអាហារ ប្រឆាំងនឹងជំងឺមហារីក ប្រឆាំងនឹងមេរោគ ពង្រឹងប្រព័ន្ធភាពស៊ាំ។ ប៉ុន្តែ សារធាតុទាំងនេះ មិនធន់ជាមួយនឹងកម្តៅនោះទេ ហើយវានឹងត្រូវបំផ្លាញនៅសីតុណ្ហភាព ៧០អង្សាសេ។

ចំពោះ ការ៉ុត វិញ សម្បូរទៅដោយសារធាតុបេតាការ៉ូទីន ដែលងាយឲ្យរាងកាយស្រូបយករហូតដល់ ៧០ភាគរយ បើទទួលទានទាំងឆៅ។ ប៉ុន្តែ នៅពេលដែលចម្អិន អត្រានៃការស្រូបយកសារធាតុបេតាការ៉ូទីន នឹងកើនឡើង៕

ដកស្រង់ពី៖ soha