បរទេស៖ ប្រសិនបើអ្នកចម្អិនការ៉ុតឲ្យយូរ វានឹងផលិតវីតាមីន ព្រមទាំងសារធាតុរ៉ែកើនឡើងដល់ទៅ ៤០ភាគរយ។
អ្នកជំនាញជាច្រើនបានណែនាំថា អ្នកគួរតែទទួលទានការ៉ុតឆ្អិន ជាពិសេសសម្រាប់អ្នកដែលកើតជំងឺមហារីកតែម្តង។ ពោលគឺសារធាតុ បេតាការ៉ូទីន(beta carotene), វីតាមីន K, B1, B2, B3, B6, វីតាមីន C, អាស៊ីតហ្វូលិក, ផូស្វ័រ និងប៉ូតាស្យូម មានអត្ថប្រយោជន៍ខ្លាំងណាស់ក្នុងការព្យាបាល និងការពារជំងឺមហារីក។

បេតាការ៉ូទីន(beta carotene) គឺមានសារៈសំខាន់ខ្លាំងណាស់នៅក្នុងរបបអាហាររបស់មនុស្សដែលកើតជំងឺមហារីក ប្រសិនបើពួកគេចម្អិនការ៉ុតឲ្យបានយូរ។

• កាត់បន្ថយជំងឺដាច់សសៃឈាមខួរក្បាលដល់ទៅ ៤០ ភាគរយ
• ជួយការពារភ្នែកឲ្យមើលឃើញច្បាស់ល្អ
• ជួយដល់មុខងាររំលាយអាហារ និងថ្លើមឲ្យកាន់តែប្រសើរឡើង
• ការពារអ្នកពីជំងឺមហារីកច្រើនប្រភេទ
• ពង្រឹងប្រព័ន្ធភាពស៊ាំនៅក្នុងរាងកាយ
• ជួយឲ្យស្បែកមានពណ៌សម្បុរស្រស់ថ្លា។

ទាំងអស់នេះ គឺជាអត្ថប្រយោជន៍ដែលបានមកពីការ៉ុតចម្អិន ដូច្នេះហើយ​អ្នក​គួរតែ​បន្ថែម​បន្លែពណ៌លឿង​នេះ​នៅក្នុង​របប​អាហារជាប្រចាំ ដើម្បីជំនួយដល់សុខភាព៕