Post News Media ព័ត៌មានសុខភាព កំពូលអាហារដែល...

កំពូលអាហារដែលល្អបំផុតសម្រាប់លាងសម្អាតថ្លើម

បរទេស: ថ្លើម មានមុខងារបំបែកម៉ូលេគុលអេអ៉ូក្លូប៊ីន, អាំងស៊ុយលីន, អ័រម៉ូនផ្សេងៗ, កម្ចាត់កោសិកាឈាមចាស់ៗ, បន្សុទ្ធឈាម, រក្សាវីតាមីន, ជាតិដែក និងផលិតទឹកប្រមាត់។ សំខាន់បំផុត គឺការបណ្តេញជាតិពុលទាំងអស់ចេញពីរាងកាយ។

តែទោះជាយ៉ាងណា ថ្លើមងាយនឹងរងគ្រោះដោយសាររបបអាហារ និងកត្តាបរិស្ថានណាស់ ហេតុនេះ អ្នកគួរតែថែរក្សាថ្លើមឲ្យបានល្អ ដើម្បីចៀសវាងមានបញ្ហាសុខភាពធ្ងន់ធ្ងរ។

ខ្ទឹមស៖
ខ្ទឹមសមានផ្ទុកសារធាតុ allicin និង selenium ដែលអាចជួយបញ្ចេញជាតិពុលពីរាងកាយ។ នេះហើយ ជាហេតុផលដែលអ្នកគួរតែទទួលទានវារាល់ថ្ងៃ។

ប្រេងអូលីវ៖ ប្រេងធម្មជាតិមួយប្រភេទនេះ ពិតជាមានអត្ថប្រយោជន៍ខ្លាំងណាស់សម្រាប់បន្សាបជាតិពុលពីក្នុងថ្លើម។ ជាពិសេស វាបានផ្តល់នូវស្រទាប់លីពីត (lipid) ដែលអាចបណ្តេញជាតិពុលចេញពីរាងកាយ។

គ្រាប់ធញ្ញជាតិ៖ អ្នកគួរតែទទួលទានគ្រាប់ធញ្ញជាតិជារបបអាហារប្រចាំថ្ងៃ ព្រោះវាជាផ្នែកមួយដែលអាចជួយសម្អាតជាតិពុលពីក្នុងថ្លើមបាន។

បន្លែស្លឹក៖ បន្លែស្លឹក មានផ្ទុកក្លរ៉ូហ្វីល(chlorophyll) ដែលអាចជួយសារធាតុគ្រោះថ្នាក់ពីក្នុងឈាម។ មិនតែប៉ុណ្ណោះ វាអាចជួយបន្សាយលោហធាតុ, ជាតិពុល និងសារធាតុគីមីដែលមាននៅក្នុងរាងកាយ។

តែបៃតង៖ តែបៃតងមានផ្ទុកសារធាតុប្រឆាំងនឹងអុកស៊ីតកម្មជាច្រើន ដែលអាចជួយកម្ចាត់ការប្រមូលផ្តុំនៃជាតិខ្លាញ់ក្នុងថ្លើម។ ការទទួលទានតែបៃតងលេងៗជារៀងរាល់ថ្ងៃ គឺជាវិធីដ៏ល្អបំផុតក្នុងការបញ្ចេញជាតិពុលពីក្នុងថ្លើម៕

liver-cleansing