តួកគី: ប្រភពព័ត៌មានពីសន្តិសុខ បានឲ្យដឹងថា ករណីបំផ្ទុះគ្រាប់បែកពីរគ្រាប់ ដោយគ្រាប់បែកអត្តឃាតទី១ បានបំផ្ទុះសម្លាប់មនុស្ស ១៥ នាក់ និងរងរបួស ៦៩ នាក់ នៅខាងក្រៅទីលានបាល់ទាត់មួយ ក្នុងទីក្រុងអ៊ីស្តង់ប៊ុល កាលពីថ្ងៃសៅរ៍ និងការវាយប្រហារមួយទៀត គឺកំណត់គោលដៅលើប៉ូលិស បន្ទាប់ពីការប្រកួតមួយ រវាងក្រុមបាលទាត់កំពូលទាំងពីរនៃប្រទេសតួកគី។ នេះយោងតាមរយ: សារព័ត៌មាន CNN ចេញផ្សាយនៅថ្ងៃទី១១ ខែធ្នូ ឆ្នាំ២០១៦។

ប្រធានាធិបតីលោក Tayyip Erdogan បានរៀបរាប់ថា ការបំផ្ទុះនេះ គឺនៅខាងក្រៅកីទ្បដ្ឋាន Vodafone Arena ជាកន្លែងស្នាក់នៅ អំទ្បុងពេលមកកាន់ទីក្រុងអ៊ីស្តង់ប៊ុលរបស់ក្រុមកីឡាបាល់ទាត់ Besiktas ដែលពួកភេរវករ បានវាយប្រហារមកលើប៉ូលិស និងជនស៊ីវិល។ លោកបានបន្តថា នៅហេតុការណ៍នេះ បានបណ្តាលឲ្យមានអ្នកស្លាប់ និងស្លាប់ជាច្រើននាក់៕