អាមេរិកៈ ប្រធានាធិបតីជាប់ឆ្នោតលោក Donald Trump បាននិយាយគំរាមទៅចិនឲ្យមានការប្រុងប្រយ័ត្ន ខណៈដែលក្រុងវ៉ាស៊ីនតោន កំពុងព្យាយាមបង្កើតទំនាក់ទំនងល្អជាមួយរុស្ស៊ី។ នេះបើយោងតាមរយៈ សារព័ត៌មាចិនសិង្ហបុរី ចេញផ្សាយនៅថ្ងៃទី១៣ ខែធ្នូ ឆ្នាំ២០១៦។

អាមេរិក និងចិន ជាប្រទេសមហាអំណាចសេដ្ឋកិច្ចដ៏ធំពីរ ក្នុងពិភពលោក និងក៏ជាគូប្រជែងសម្រាប់តួនាទី ជាអ្នកដឹកនាំក្នុងតំបន់ប៉ាស៊ីហ្វិក ដែលជាញឹកញាប់មានវិស័យពាណិជ្ជកម្មនាំមុខគេ រួមទាំងការគោរពសិទ្ធិមនុស្ស និងជម្លោះក្នុងតំបន់ផងដែរ។

កិច្ចខិតខំទាំងនេះ ត្រូវបានធ្វើទ្បើងដោយប្រធានាធិបតីអាមេរិក លោកអូបាម៉ា និងចិន គឺលោក ស៊ី ជីនពីង សម្រាប់កិច្ចសហការព្រមព្រៀងលើការផ្លាស់ប្តូរអាកាសធាតុសកល និងវិធានការប្រឆាំងនឹងរបបផ្ដាច់ការ របស់រដ្ឋាភិបាលកូរ៉េខាងជើង។

ប៉ុន្តែកាលពីថ្ងៃចន្ទ ប្រធានាធិបតីជាប់អាមេរិក លោក Trump បានពិភាក្សាជាមួយលោកស្រី Carly Fiorina អ្នកជំនួញអាមេរិក នៅការិយាល័យទីក្រុងញូវយ៉ករបស់លោកថា ពួកគេនឹងកំណត់ឡើងវិញ នូវទំនាក់ទំនង ការបរទេសអាមេរិក។

ក្នុងនោះដែរ លោកស្រី Fiorina បានប្រាប់អ្នកកាសែតថា «នាង និង លោក Trump បានចំណាយពេលវេលានិយាយ អំពីប្រទេសចិនតិចតួចបំផុត ដោយសារអ្វីដែលសំខាន់បំផុត គឺពួកគេចង់ផ្ដោតទៅលើគូ​បដិបក្ស និងការកើនឡើងវាតែប៉ុណ្ណោះ»៕