ចិន: អាជ្ញាធរចិនបាននិយាយនៅថ្ងៃអាទិត្យនេះថា មនុស្សពីរនាក់បានស្លាប់និង១៧នាក់បាត់ខ្លួនក្រោយព្យុះទីហ្វុង Nepartak បានធ្វើឱ្យបាក់ដីនិងបានវាយប្រហារខេត្ត Fujian ភាគខាងកើតប្រទេសចិន។ នេះបើយោងតាមការចេញផ្សាយដោយទីភ្នាក់ងារសារព័ត៌មាន​ចិន​ស៊ិនហួរ នៅថ្ងៃទី១០ កក្កដា ឆ្នាំ២០១៦នេះ។

ប្រជាពលរដ្ឋ ៤៣៨.០០០នាក់ រស់នៅក្នុងទីក្រុងចំនួន៩​ត្រូវបានជន្លៀសចេញពីលំនៅឋានបណ្តោះអាសន្ន​នៅពេលដែលព្យុះទីហ្វុង​បានបំផ្លាញផ្ទះ​សម្បែងជាង ១.០០០ខ្នង នេះបើយោងតាមសេចក្តីថ្លែងការណ៍មួយចេញផ្សាយដោយការិយាល័យគ្រប់គ្រងគ្រោះទឹកជំនន់របស់ខេត្តនេះ។

ផលដំណាំជិត ៤៩.០០០ហិកតាត្រូវបានខូចខាតដោយព្យុះទីហ្វុងនេះ ដែលសរុបផ្ទៃដី ៤.៥០០ហិកតាដែលត្រូវបានបំផ្លាញទាំងស្រុង។ ជើងហោះ​ហើរ​ជិត ៤០០ជើង ត្រូវបានលុបចោលនិងការរថភ្លើងល្បឿនលឿនជាង ៣០០ ត្រូវបានផ្អាក នេះបើយោងតាមសេចក្តីថ្លែងការណ៍ខាងលើនេះ។

សូមជម្រាបថា ព្យុះទីហ្វុង Nepartak បានរសាត់ទៅជាវិសម្ពាធត្រូពិក​ប៉ុន្តែនឹងបន្តនាំយកមកនូវខ្យល់និងភ្លៀងទៅកាន់ខ្លាំងខេត្តមួយចំនួន រួមទាំងខេត្តជាំងស៊ី និងខេត្តចឺជាំង៕