ចិន: សាលាក្តីអន្ដរជាតិនៅទីក្រុងឡាអេ បានធ្វើការស្តីបន្ទោសយ៉ាងខ្លាំងចំពោះឥរិយាបថរបស់ប្រទេសចិន នៅក្នុងសមុទ្រ​ចិន​ខាងត្បូង ដែលបានសាងសង់កោះសិប្បនិម្មិត ដើម្បីជ្រៀតជ្រែកការនេសាទត្រី ហើយបានអះអាងការពង្រីករបស់ខ្លួន ដើម្បីអធិបតេយ្យភាព​លើ​ដែន​ទឹក​នេះ មិនមានមូលដ្ឋានច្បាប់ត្រឹមត្រូវតាមច្បាប់អន្តរជាតិ។ នេះបើយោងតាមការចេញផ្សាយដោយ BBC នៅថ្ងៃទី១២ កក្កដា ឆ្នាំ២០១៦នេះ។

ប្រទេសហ្វីលីពីនបានប្តឹងចិននៅក្នុងឆ្នាំ២០១៣ ទៅតុលាការអន្តរជាតិ UNCLOS ដើម្បីប្រកួតប្រជែងក្នុងការទាមទារ​និងសកម្មភាពនៅ​ក្នុងសមុទ្រ​ចិន​ខាងត្បូង។ វាត្រូវបានចោទប្រកាន់ថា ប្រទេសចិនបានជ្រៀតជ្រែកក្នុងការនេសាទត្រី និងបានបូមដីខ្សាច់ដើម្បីកសាងកោះសិប្បនិម្មិតនិង​គ្រោះថ្នាក់​ដល់នាវាក្នុងចំណោមពាក្យបណ្តឹងផ្សេងទៀត។

សាលាក្តីនេះបានបដិសេធការទាមទាររបស់ប្រទេសចិន ក្នុងអធិបតេយ្យភាពលើផ្ទៃទឹកនៅក្នុងខ្សែបន្ទាត់ចំនួនប្រាំបួន នៅក្នុងព្រំដែនដែលអះអាងថា ៩០ភាគរយនៃសមុទ្រចិនខាងត្បូង ដែលបានបង្ហាញនៅលើផែនទីរបស់ប្រទេសចិនជាផ្លូវការ។

លោកប្រធានាធិបតីថ្មីហ្វីលីពីន Rodrigo Duterte បានឱ្យដឹងថា ប្រទេសរបស់លោកមានឆន្ទៈក្នុងការចែករំលែកធនធានធម្មជាតិនៅតាមតំបន់ ជាមួយក្រុងប៉េកាំង​​ នៅក្នុងតំបន់ដែលមានជម្លោះនេះ បើទោះបីជាច្បាប់សាលាក្តីនេះបានកាត់ក្តីសម្រេចឲ្យហ្វីលីពីនឈ្នះក៏ដោយ។

លោក Duterte បានអនុម័តវិធីសាស្រ្តសម្របសម្រួលទៅកាន់ប្រទេសចិន ជាងប្រធានាធិបតីមុនលោក Benigno Aquino ហើយវានៅតែត្រូវបាន​មើល​ឃើញ​ថាតើសេចក្តីសម្រេចនេះ នឹងប៉ះពាល់ដល់ទំនាក់ទំនងរវាងប្រទេសទាំងពីរដែរទេ៕