ព័ត៌មានអន្តរជាតិ ព្រឹត្តិការណ៍ សំខាន់ៗ

ព្យុះទីហ្វុង Nida វាយប្រហារភាគខាងត្បូងខេត្តក្វាងស៊ីប្រទេសចិន

ចិន: ព្យុះទីហ្វុង Nida បានវាយប្រហារនៅភាគខាងត្បូងតំបន់ស្វយ័តក្វាងស៊ីចុង ប្រទេសចិន កាលពីរសៀលថ្ងៃអង្គារ៍ បន្ទាប់ពីធ្វើឱ្យបាក់ដីនៅម៉ោង ៣និង៣៥នាទីព្រឹក នៅក្នុងទីក្រុង Shenzhen នៅជិតខេត្ត Guangdong។ នេះបើយោងតាមការចេញផ្សាយដោយសារព័ត៌មាន​ចិន​ស៊ិនហួ នៅយប់ថ្ងៃទី០២ សីហា ឆ្នាំ២០១៦នេះ។

Nida បានសម្រុកចូលក្វាងស៊ីតាមរយ:ទីក្រុង Wuzhou ប្រហែលម៉ោង ៥រសៀល ហើយវាបានផ្លាស់​ទីទៅ​កាន់ភាគពាយ័ព្យនៅក្នុងល្បឿន ២០គីឡូម៉ែត្រក្នុងមួយម៉ោង។ វាត្រូវបានគេរំពឹងថា វានឹងវាយប្រហារនៅ​ទូទាំង​ស្រុក Cangwu, Zhaoping និង Mengshan និងទីក្រុង Liuzhou និង Hechi ក្នុងរយ:ពេល ២៤​ម៉ោង នេះបើយោងតាមស្ថានីយ៍ឧតុនិយមប្រចាំតំបន់នៃខេត្តក្វាងស៊ី។

នៅពេលដែល Nida នឹងនាំព្យុះនិងភ្លៀងធ្លាក់ខ្លាំងក្នុងតំបន់នេះ ភាគច្រើនបានបិទតំបន់ទាក់ទាញ​ទេស​ចរណ៍​ក្វាងស៊ី រួមទាំងអ្នកនៅលើកោះ Weizhou ដែលជាកោះភ្នំភ្លើងធំ​មួយ ដែលវាបានទាក់ទាញភ្ញៀវ​ទេស​ចររាប់ម៉ឺននាក់នៅក្នុងថ្ងៃឈប់សម្រាក។

នាវាដឹកអ្នកដំណើរនៅតាមតំបន់ឆ្នេរសមុទ្រនេះត្រូវបានផ្អាកផងដែរ កាលពីថ្ងៃអង្គារនិងការិយាល័យ ក្រុមហ៊ុន​អយស្ម័យយានណាននីង បានលុបចោល ១៩៤រថភ្លើង។ ការិយាល័យធនធានទឹកក្នុង​តំបន់បាន​ព្រមានថា ទន្លេភាគច្រើននឹងឡើងខ្លាំង ដោយឡែកទឹកទន្លេតូចឬមធ្យមមួយចំនួនត្រូវជន់លិចផងដែរ។

ព្យុះ Nida នេះ ត្រូវបានព្យាករថា មានផលប៉ះពាល់ដល់ភាគនិរតីខេត្តយូណានប្រទេសចិន នៅថ្ងៃពុធនិង​ថ្ងៃព្រហស្បតិ៍ ខាងមុខនេះ។

សូមជម្រាបថា ការិយាល័យឧតុនិយមខេត្តបានឱ្យដឹងថា ភ្លៀងធ្លាក់ខ្លាំងត្រូវបានព្យាករសម្រាប់​ខេត្តយុន​ណាន ដែលបាន​បង្កើនការភ័យខ្លាចនៃគ្រោះទឹកជំនន់និងការបាក់ដី ដោយបានព្រមានអ្នកស្រុកនៅតំបន់ភ្នំ ឲ្យទទួលយកការប្រុងប្រយ័ត្នខ្ពស់៕

Typhoon Dujuan Makes Landfall In Fujian

មតិយោបល់