Post News Media ព័ត៌មានអន្តរជាតិ Update: អតីតន...

Update: អតីតនាយករដ្ឋមន្ត្រីថៃ ឡើងតុលាការជុំវិញគម្រោងឧបត្ថម្ភធនស្រូវអង្ករ

ថៃ: អតីតនាយករដ្ឋមន្ត្រីថៃលោកស្រី Yingluck Shinawatra បានចូលរួមក្នុង​សវនាការនៅថ្ងៃសុក្រនេះ ជុំវិញរឿងគម្រោងឧបត្ថម្ភធនអង្ករ អំឡុងពេលការគ្រប់គ្រង​និង​កាន់អំណាចរបស់លោកស្រី ដែលបានចោទប្រកាន់ថា បានធ្វើឲ្យខាតបង់លុយរាប់ពាន់លានដុល្លារ​សហរដ្ឋ​អាមេរិក។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅរសៀលថ្ងៃទី០៥ សីហា ឆ្នាំ២០១៦នេះ។

អតីតមេដឹកនាំស្ត្រីរូបនេះ បានបង្ហាញខ្លួនមុនពេលដែលតុលាការកំពូលធ្វើការសាកសួរជន​ជាប់ចោទ​លើក​ដំបូងនៅក្នុងសវនាការក្នុងអំឡុងពេលដែលព្រះរាជអាជ្ញាសាកសួរទៅលើកម្មវិធីអនុវត្តស្រូវអង្ករដ៏ចម្រូងចម្រាស់ដោយគណបក្សភឿថៃរបស់លោកស្រី ដែលដឹកនាំដោយគណបក្សរបស់រដ្ឋាភិបាលកន្លងមក។

អ្នកគាំទ្ររាប់រយនាក់បានប្រមូលផ្តុំគ្នាដើម្បីលើកទឹកចិត្តលោកស្រីនៅក្រោមការឃ្លាំមើលយ៉ាងជិតស្និទ្ធនៃក្រុមប៉ូលិសនៅខាងក្រៅបរិវេណតុលាការ។

ក្រុមការងាររបស់ការិយាល័យនាយករដ្ឋមន្ត្រីនៅក្រោមការដឹកនាំរបស់ប្រទេសថៃលោក ប្រាយុទ្ធ ចាន់អូចា បច្ចុប្បន្នបានឡើងកាន់អំណាចជំនួសលោកស្រី យីងឡាក់ ជាប្រមុខនៃរដ្ឋាភិបាលមុនដោយទទួលខុស​ត្រូវ​ចំពោះទឹកប្រាក់ ៨,២ពាន់លានដុល្លារក្នុងការខូចខាតពីបទអំពើពុករលួយក្នុងកម្មវិធីស្រូវអង្ករនេះ ដើម្បីឡើង​សវនាការនៅតុលាការកំពូល។

ទោះជាយ៉ាងណាលោកស្រី យីងឡាក់ បានអះអាងថា នាងគ្រាន់តែមានបំណងឱ្យកសិករ​នៅទូទាំង​ប្រទេស មានភាពស្មើគ្នាក្នុងការទទួលប្រយោជន៍ពីកម្មវិធីប្រជានិយមរបស់នាង និងបានច្រានចោលការ​ចោទ​​ប្រកាន់ដែលថានាងបានប្រព្រឹត្តិអំពើពុករលួយ ដើម្បីប្រយុទ្ធប្រឆាំងនឹងកម្មវិធីនេះតាមរយ:​មន្ត្រីជាន់​ខ្ពស់​រដ្ឋាភិបាលរបស់ខ្លួន។

លោកស្រី យីងឡាក់ ត្រូវបានគេហាមឃាត់មិនឱ្យធ្វើនយោបាយរយ:ពេលប្រាំឆ្នាំ គិតចាប់តាំងពីខែមករា ឆ្នាំ២០១៥ បានបដិសេធថានាងមានចេតនាបន្លំការចោទប្រកាន់របស់​មន្ត្រីរដ្ឋាភិបាលណាមួយ​ឬឈ្មួញអង្ករ​បង្កើតនូវផលចំណេញហួសហេតុពេក៕

Ex-Thai premier Yingluck appears 01

Ex-Thai premier Yingluck appears 02

Ex-Thai premier Yingluck appears 03

Thailand Politics

Ex-Thai premier Yingluck appears