ប៉ាគីស្ថាន: ប្រព័ន្ធផ្សព្វផ្សាយ Urdu នៅក្នុងស្រុកបានរាយការណ៍បន្ថែមទៀតថា
យ៉ាងហោចណាស់ មនុស្ស ១០នាក់បានស្លាប់និង ៤០នាក់ទៀតរងរបួស នៅពេលដែលបំផ្ទុះគ្រាប់បែកមួយ បានវាយប្រហារមន្ទីរពេទ្យស៊ីវិលមួយកន្លែង នៅក្នុងទីក្រុង Quetta ភាគនិរតីប្រទេសប៉ាគីស្ថាន កាលពីព្រឹកថ្ងៃច័ន្ទនេះ។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅថ្ងៃទី០៨ សីហា ឆ្នាំ២០១៦នេះ។
បើតាមសារព័ត៌មាន Geo News បាននិយាយថា ករណីបំផ្ទុះគ្រាប់បែកនេះ បានកើតឡើងនៅម៉ោងប្រហែល ៩និង៥០នាទីព្រឹក ត្រូវនឹងម៉ោងក្នុងស្រុក នៅទីក្រុង Quetta នៃរដ្ឋធានីខេត្ត Balochistan។ ហើយករណីបំផ្ទុះនេះមិនត្រូវបានគេស្គាល់នៅឡើយទេរហូតមកដល់ពេលនេះ។
ដោយឡែក គ្មានក្រុមណាមួយ បានចេញមុខប្រកាសទទួលខុស ត្រូវចំពោះការវាយប្រហារនេះនៅឡើយទេ។ ប៉ុន្តែក្រុមប៉ូលិស បានប្រញាប់ទៅកន្លែងផ្ទុះនោះ ដើម្បីធ្វើការស៊ើបអង្កេតជាបន្ទាន់៕
មតិយោបល់