កូរ៉េ: ក្រុមនៃសមាជិកសភាគណបក្សប្រឆាំងកូរ៉េខាងត្បូង បានផ្គើននឹងប្រធានាធិបតីលោកស្រី Park Geun-Hye ជុំវិញការមិនយល់ស្របដំណើរទស្សនកិច្ចចេញទៅប្រទេសចិន របស់ពួកគេនៅថ្ងៃច័ន្ទនេះ ដើម្បីពិភាក្សាពីការដាក់ពង្រាយប្រឆាំងមីស៊ីលរបស់អាមេរិក ដែលបង្កឲ្យមានការបែកបាក់គ្នា រវាងក្រុងសេអ៊ូល និងក្រុងប៉េកាំង។ នេះបើយោងតាមរយ: សារព័ត៌មានចិនសិង្ហបុរី ចេញផ្សាយនៅថ្ងៃទី៨ ខែសីហា ឆ្នាំ២០១៦។

លោកស្រី Park បានជំរុញឲ្យសមាជិកសភាលុបចោលការធ្វើដំណើររបស់ពួកគេ ដោយហេតុផលថា វានឹងបង្កើនការប្រឆាំងរបស់ចិន ចំពោះប្រព័ន្ធការពារតំបន់កម្ពស់ខ្ពស់ស្ថានីយ (THAAD) ព្រមទាំងធ្វើឲ្យមាន ការបែកបាក់កាន់តែខ្លាំង នៅកូរ៉េខាងត្បូងលើបញ្ហានេះ។

ការសម្រេចចិត្តរបស់ក្រុងសេអ៊ូល ធ្វើជាម្ចាស់ផ្ទះ THAAD គឺដើម្បីប្រឆាំងនឹងការគំរាមកំហែង ដែលធ្វើឲ្យ មានការកើនឡើងនូវកម្មវិធីនុយក្លេអ៊ែរ និងមីស៊ីលរបស់កូរ៉េខាងជើង ដោយរដ្ឋាលចិនបានថ្កោលទោសថា វាជាការគំរាមកំហែង ដល់ប្រយោជន៍សន្តិសុខរបស់ខ្លួន និងស្ថេរភាពក្នុងតំបន់។

លោក Kim Young-Ho ជាសមាជិកសភាចម្បងម្នាក់ ក្នុងចំណោមគណ:បក្សប្រឆាំង Minjoo ៦រូប ដែលនឹងធ្វើដំណើរទៅកាន់ទីក្រុងប៉េកាំងនោះ បានឲ្យដឹងថា ជំនឿចិត្តរបស់គាត់ គឺនឹងអាចកែប្រែស្ថាន ការណ៍នេះទៅស្ញប់ស្ងាត់។

«ក្ដីសង្ឃឹមរបស់យើង គឺយ៉ាងហោចណាស់ អាចពង្រឹងទំនាក់ទំនងរវាងទីក្រុងសេអ៊ូល និងទីក្រុងប៉េកាំង បានវិញ» នេះបើយោងតាមទីភ្នាក់ងារព័ត៌មាន Yonha ដកស្រង់សម្តីលោក Kim បាននិយាយមុនពេល ចាកចេញពីទីក្រុងសេអ៊ូល ខណ:ដែលមានការជំទាស់ពីលោកលោកស្រី Park ៕