អាមេរិកៈ ទីភ្នាក់ងារព័ត៌មាន BBC នៅថ្ងៃទី១១ ខែសីហានេះ រាយការណ៍មកថា ប៉ូលិសទីក្រុងញូវយ៉ក បានចាប់ខ្លួនបុរសម្នាក់ បន្ទាប់ពីគាត់ព្យាយាមទ្បើងលើអគារ របស់បេក្ខភាពប្រធានាធិបតីអាមេរិក លោក Trump ដោយប្រើខ្សែ និងឧបករណ៍បឺតខ្យល់នៅភាគកណ្ដាលតំបន់ Manhattan សហរដ្ឋអាមេរិក។
បុគ្គលិកជាច្រើននាក់ បាននាំគ្នាបិទបង្អួចកញ្ចក់អគារ ទាំង៥៨ជាន់ ដើម្បីរារាំងគាត់ពីការទ្បើងខ្ពស់ជាងនេះ។
នៅទីបំផុតបុរសម្នាក់នោះ ត្រូវបានមន្ត្រីប៉ូលិសចាប់ខ្លួន ខណៈដែលគាត់បានទ្បើងឈានដល់ជាន់ទី ២១ ដោយប៉ូលិសទាញគាត់ចូលទៅខាងក្នុងអគារនោះ។
អគារនេះ គឺជាទីស្នាក់ការកណ្តាលនៃយុទ្ធនាការបេក្ខជនប្រធានាធិបតីអាមេរិក មកពីគណបក្សសាធារណរដ្ឋ លោក Donald Trump ដែលលោក បានរស់នៅក្នុងអគារនោះ ប៉ុន្តែវាមិនស្ថិតនៅក្នុងទីក្រុងញូវយ៉កទេ។
គួរបញ្ជាក់ដែរថា បើតាមប៉ូលិស អះអាងថា បុរសម្នាក់នោះអាយុ ២០ ឆ្នាំមកពីរដ្ឋ Virginia ហើយការដែល គាត់ធ្វើបែបនេះ គឺដោយសារតែចង់ជួប លោក Trump។ ប៉ុន្តែទោះជាយ៉ាងណាក៏ដោយ ប៉ូលិសមិនបានជឿ ទេថា សកម្មភាពបុរសម្នាក់នេះ មិនមានគោលបំណង ធ្វើឲ្យប៉ះពាល់ដល់នរណាម្នាក់នោះ៕
https://youtu.be/ZL8whMcDRyQ
មតិយោបល់