Post News Media ព័ត៌មានអន្តរជាតិ លោក Trump ចោទ...

លោក Trump ចោទថា លោកស្រីគ្លីនតុន និងលោកអូបាម៉ា គឺជាស្ថាបនិកក្រុម IS

អាមេរិក: បេក្ខជនគណបក្សសាធារណរដ្ឋលោក Donald Trump បានចូលប្រឡូក​នៅ​ក្នុងយុទ្ធនាការឃោសនាបោះឆ្នោតប្រធានាធិបតីអាមេរិក ជាថ្មីម្តងទៀត ដោយបានអះ​អាង​ថា លោកស្រី Hillary Clinton និងលោកប្រធានាធិបតី បារ៉ាក់ អូបាម៉ា បានបង្កើតក្រុម IS និងជាស្ថាបនិកដ៏សំខាន់បំផុតរបស់ពួកគេផងដែរ។ នេះបើយោងតាមការចេញផ្សាយដោយសារព័ត៌មាន Channel News Asia នៅយប់ថ្ងៃទី១១ សីហា ឆ្នាំ២០១៦។

ថ្លែងទៅកាន់អ្នកគាំទ្រនៅ Fort Lauderdale នៅក្នុងកិច្ចប្រជុំរដ្ឋ Florida លោក Trump ជាមហា​សេដ្ឋី​អចលនទ្រព្យបានឱ្យដឹងថា ក្រុមសកម្មប្រយុទ្ធបាន ផ្តោតទៅលើលោកប្រធានាធិបតី​ អូបាម៉ា តែមួយ​ប៉ុណ្ណោះ​។ ហើយគាត់ជាស្ថាបនិកនៃក្រុម ISIS ដើម្បីបង្កភាពចលាចលនៅក្នុងពិភពលោក។

លោកស្រី គ្លីនតុន បានព្រមានអំពីគ្រោះថ្នាក់នៃភាសាដែលមិនប្រុងប្រយ័ត្ន ក្នុងអំឡុងពេលការប្រកួត​ប្រជែង​​ប្រធានាធិបតីអាមេរិក ដើម្បីស្វែងរកសន្លឹកឆ្នោត។ ហើយលោកស្រីបានរិះ​គន់​ភាពសាហាវឃោរឃៅ​ទៅលើក្រុមគ្រួសារ Gold Star Trump ក្នុងការសំដៅទៅការប៉ះទង្គិចគ្នារបស់មហាសេដ្ឋីនេះ ជាមួយឪពុក​ម្តាយ​របស់ទាហានអាមេរិកមូស្លីម ដែលត្រូវបានសម្លាប់នៅក្នុងសកម្មភាពនេះ។

ទន្ទឹមនឹងនេះដែរ លោកស្រី គ្លីនតុន ចាប់ផ្តើមបណ្តឹងឧទ្ធរណ៍ចំៗ របស់បេក្ខជនមកពីគណបក្ស​សាធារណរដ្ឋ​លោក Trump នៅលើសន្ទករថារបស់គាត់នៃសេចក្តីថ្លែងការណ៍ចម្រូងចម្រាស់នេះ៕

Trump and Clinton and Obama US